ព័ត៌មានអន្ដរជាតិ

IMF អនុម័តទឹកប្រាក់ជាង១ពាន់លានដុល្លារដើម្បីជួយអ៊ុយក្រែនបន្ទាន់

បានផុស

៤ years មុន

នៅ

ថ្ងៃព្រហស្បតិ៍ ១០ មីនា ២០២២

ដោយ

មូលនិធិរូបិយវត្ថុអន្តរជាតិ (IMF) បាននិយាយថា ក្រុមប្រឹក្សាប្រតិបត្តិរបស់ខ្លួនកាលពីថ្ងៃពុធ ទី៩ ខែមីនា បានអនុម័តទឹកប្រាក់ចំនួន១.៤ប៊ីលានដុល្លារអាមេរិកក្នុងការផ្តល់ហិរញ្ញប្បទានអាសន្នសម្រាប់ប្រទេសអ៊ុយក្រែនដើម្បីជួយតម្រូវការចំណាយបន្ទាន់ និងកាត់បន្ថយផលប៉ះពាល់សេដ្ឋកិច្ចដោយសារការវាយប្រហារយោធារុស្ស៊ី។

អ្នកផ្តល់ប្រាក់កម្ចីសកលបាននិយាយថា អាជ្ញាធរអ៊ុយក្រែនបានលុបចោលការរៀបចំយកប្រាក់កម្ចីជាមួយ IMF ប៉ុន្តែនឹងធ្វើការជាមួយមូលនិធិដើម្បីបង្កើតកម្មវិធីសេដ្ឋកិច្ចសមរម្យដោយផ្តោតលើការស្តារឡើងវិញ និងកំណើននៅពេលលក្ខខណ្ឌអំណោយផល។

នាយក IMF អ្នកស្រី Kristalina Georgieva បាននិយាយក្នុងសេចក្តីថ្លែងការណ៍មួយ បន្ទាប់ពីកិច្ចប្រជុំដោយបានព្យាករពីធ្លាក់ចុះសេដ្ឋកិច្ចយ៉ាងអាក្រក់នៅអ៊ុយក្រែនឆ្នាំនេះថា ៖«ប្រតិបត្តិការយោធារុស្ស៊ីលើអ៊ុយក្រែនជាការទទួលខុសត្រូវសម្រាប់វិបត្តិមនុស្សធម៌ និងសេដ្ឋកិច្ចយ៉ាងធំធេង»។

អ្នកស្រីបន្តថា ៖«តម្រូវការហិរញ្ញប្បទានធំ បន្ទាន់ និងអាចកើនឡើងខ្លាំង នៅពេលសង្គ្រាមចេះតែបន្ត»។ នៅពេលសង្គ្រាមបញ្ចប់ អ៊ុយក្រែនទំនងជាត្រូវការឧបត្ថម្ភគាំទ្របន្ថែមច្រើនណាស់។

IMF បាននិយាយថា សង្គ្រាមបានធ្វើឲ្យរងផលវិបាកធ្ងន់ធ្ងរច្រើនណាស់រួចមកហើយដែលសំដៅទៅលើមនុស្សជាង២លាននាក់ពីអ៊ុយក្រែនបានជម្រៀសចេញក្នុងរយៈពេលត្រឹម១៣ថ្ងៃ និងការបំផ្លិចបំផ្លាញហេដ្ឋារចនាសម្ព័ន្ធទ្រង់ទ្រាយធំ។

រុស្ស៊ីបានចាត់ទុកសកម្មភាពរបស់ខ្លួនគឺជាប្រតិបត្តិការយោធាពិសេស៕

ប្រែសម្រួល៖ វីរបុត្រ
ប្រភព៖ Reuters

Related Topics:មូលនិធិរូបិយវត្ថុអន្តរជាតិ IMF