លោក Putin មិនជំទាស់ ការចរចាដោយផ្ទាល់ ជាមួយប្រធានាធិបតី អ៊ុយក្រែន ទេ (មានវីដេអូ)

រដ្ឋមន្ត្រីការបរទេសតួកគី លោក Mevlut Cavusoglu បាននិយាយថា ប្រធានាធិបតីរុស្ស៊ី លោក Vladimir Putin មិនជំទាស់ចំពោះការចរចាដោយផ្ទាល់ជាមួយប្រធានាធិបតីអ៊ុយក្រែនលោក Volodymyr Zelensky នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Cavusoglu បាននិយាយយ៉ាងច្រើនទៅកាន់ប្រធានាធិបតីតួកគីលោក Recep Tayyip Erdogan ខណៈពេលថ្លែងក្នុងសន្និសីទសារព័ត៌មានកាលពីថ្ងៃព្រហស្បតិ៍ទី១០ខែមីនា នៅទីក្រុង Antalya បន្ទាប់ពីកិច្ចប្រជុំត្រីភាគីនៃរដ្ឋមន្ត្រីការបរទេសអ៊ុយក្រែន រុស្ស៊ី និងតួកគី។

លោក Cavusoglu បាននិយាយនៅក្នុងសន្និសីទសារព័ត៌មាននោះថា “គេនិយាយថា លោកZelensky ត្រៀមខ្លួនរួចជាស្រេចសម្រាប់កិច្ចប្រជុំបែបនេះ ហើយលោក Putin ក៏មិនជំទាស់ដែរ។ លោក Putin ក៏បានលើកឡើងពីគំនិតនេះ ទៅកាន់លោកប្រធានាធិបតី Erdogan ដែរ”។

ទន្ទឹមនោះ លោក Cavusoglu ក៏បាននិយាយផងដែរថា ជំនួបទល់មុខគ្នារវាងរដ្ឋមន្ត្រីការបរទេសអ៊ុយក្រែន Dmytro Kuleba និងសមភាគីរុស្ស៊ី Sergey Lavrov ដែលសម្របសម្រួល និងរៀបចំឡើងនៅប្រទេសតួកគីកាលពីម្សិលមិញ គ្រាន់តែជាការចាប់ផ្តើមប៉ុណ្ណោះ។

គ្មាននរណាម្នាក់គួររំពឹងថានឹងមានអព្ភូតហេតុជាមួយនឹងកិច្ចប្រជុំតែមួយនោះទេ ប៉ុន្តែកិច្ចប្រជុំថ្នាក់រដ្ឋមន្ត្រីគឺជាការចាប់ផ្តើមដ៏សំខាន់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNN

ចុចអាន៖ ទីក្រុងមូស្គូ ប្រាប់ម៉ោង បើកផ្លូវជម្លៀសជនស៊ីវិល ពីអ៊ុយក្រែន ទៅ រុស្ស៊ី ជារៀងរាល់ថ្ងៃ