លោក Zelensky លើកហេតុការណ៍រន្ធត់ជាប្រវត្តិសាស្រ្តចំនួន២ នៅពេលអង្វរករសុំជំនួយ ពីអាមេរិក (មានវីដេអូ)

ប្រធានាធិបតីអ៊ុយក្រែន បានរម្លឹកអំពីហេតុការណ៍ដ៏រន្ធត់ នៃការវាយប្រហារភេរវកម្មថ្ងៃ១១ខែកញ្ញា នៅពេលលោកអង្វរករមានការគាំទ្រផ្នែកយោធាបន្ថែមទៀត នៅក្នុងសុន្ទរកថាជាប្រវត្តិសាស្ត្រទៅកាន់សភាអាមេរិក។

លោក Volodymyr Zelensky បាននិយាយតាមរយៈ video link ទៅកាន់សមាជិកសភាកាលពីថ្ងៃពុធទី១៦ខែមីនាថា ប្រទេសអ៊ុយក្រែន កំពុងស៊ូទ្រាំនឹងព្រឹត្តិការណ៍ 9/11 ជារៀងរាល់ថ្ងៃ ខណៈដែលខ្លួនប្រយុទ្ធជាមួយកងកម្លាំងរុស្ស៊ី។

អំពាវនាវសុំការគាំទ្របន្ថែមទៀត លោកក៏បានលើកឡើងពីការវាយប្រហារ Pearl Harbor ដែលនាំសហរដ្ឋអាមេរិកចូលទៅក្នុងសង្រ្គាមលោកលើកទីពីរផងដែរ។

លោកនិយាយថា “ពេលនេះ នៅពេលយើងត្រូវការអ្នក សូមចងចាំព្រឹត្តិការណ៍ Pearl Harbor។ ពេលព្រឹកដ៏គួរឲ្យភ័យខ្លាចនៅថ្ងៃទី៧ខែធ្នូ ឆ្នាំ១៩៤១ នៅពេលផ្ទៃមេឃរបស់អ្នកប្រែជាពណ៌ខ្មៅ ដោយសារយន្តហោះវាយប្រហារ។ អ្នកចាំវាទេ”។

“ថ្ងៃទី១១ខែកញ្ញា ជាថ្ងៃដ៏គួរឲ្យរន្ធត់ក្នុងឆ្នាំ២០០១ នៅពេលបិសាចព្យាយាមបង្វែរទីក្រុងរបស់អ្នក ទឹកដីឯករាជ្យនៅក្នុងសមរភូមិ នៅពេលដែលមនុស្សស្លូតត្រង់ត្រូវបានវាយប្រហារពីលើអាកាស។ មែនហើយ ដូចជាគ្មាននរណាម្នាក់រំពឹងទុកទេ។ អ្នក​មិន​អាច​បញ្ឈប់​វា​បានឡើយ”។

ស្របពេលជាមួយគ្នានោះ លោក​បាន​ជំរុញ​ជា​ថ្មី​ម្តង​ទៀត ​ដល់​សម្ព័ន្ធមិត្ត​របស់​សហរដ្ឋ​អាមេរិក និង​អង្គការ​ណាតូ ឲ្យដាក់​តំបន់​គ្មាន​ការ​ហោះហើរ​លើ​អ៊ុយក្រែន។

លោកអះអាងថា “ខ្ញុំចាំបាច់ត្រូវការពារ ផ្ទៃមេឃរបស់ខ្ញុំ”៕

សូមទស្សនាវីដេអូ៖ 

ប្រែសម្រួល៖ Vann Vann

ប្រភព៖ BBC

ចុចអាន៖ ពូទីន៖ សង្គ្រាម ដំណើរការទៅប្រកបដោយជោគជ័យ ស្របតាមផែនការ