ព័ត៌មានអន្ដរជាតិ

អតីតបុគ្គលិក Apple ជាប់ពន្ធនាគារ ២០ ឆ្នាំ និងរឹបអូសទ្រព្យ ក្រោយបោកលុយ ជាង ១០ លានដុល្លារ

បានផុស

៦ ខែ មុន

នៅ

ថ្ងៃពុធ ២៣ មីនា ២០២២

ដោយ

លោក Dhirendra Prasad ជាអតីតបុគ្គលិកក្រុមហ៊ុន Apple ដែលធ្វើការជាអ្នកទិញ នៅក្នុងនាយកដ្ឋានខ្សែសង្វាក់ផ្គត់ផ្គង់សេវាកម្មសកល អស់រយៈពេល ១០ ឆ្នាំ ពេលនេះត្រូវបានចោទប្រកាន់ពីបទក្លែងបន្លំលុយ ១០លានពីក្រុមហ៊ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះរាជអាជ្ញាបញ្ជាក់ថា Prasad បានឆ្លៀតយកប្រយោជន៍ពីមុខតំណែងរបស់គាត់ ក្នុងការបន្លំ Apple ជាកន្លែងដែលគាត់ត្រូវបានចោទប្រកាន់ពីបទឧក្រិដ្ឋកម្មចំនួន ៥ រួមទាំងការក្លែងបន្លំជាមួយ Apple ការលាងលុយកខ្វក់ និងការគេចពន្ធ ដែលតម្រូវឲ្យ Apple បង់ប្រាក់សម្រាប់ទំនិញ និងសេវាកម្មដែលខ្លួនមិនទទួលបាន។ ខណៈ Prasad គ្រោងនឹងបើកសវនាការនៅថ្ងៃព្រហស្បតិ៍ ដែលអាចប្រឈមមុខនឹងការកាត់ទោសអតិបរមាពី ៥ ទៅ ២០ ឆ្នាំ។

យោងតាមដីការបស់តុលាការ រដ្ឋាភិបាលសហព័ន្ធបានរឹបអូសទ្រព្យសម្បត្តិចំនួន៥ និងគណនីហិរញ្ញវត្ថុរបស់លោក Prasad សរុបប្រហែល ៥ លានដុល្លារ ពាក់ព័ន្ធនឹងសកម្មភាពឧក្រិដ្ឋកម្ម។ ទន្ទឹមនោះ ម្ចាស់ក្រុមហ៊ុនពាក់ព័ន្ធចំនួនពីរបានសារភាពថា ពួកគេបានឃុបឃិតជាមួយលោក Prasad ដើម្បីបោកប្រាស់ និងលាងលុយកខ្វក់របស់ Apple ផងដែរ៕

ប្រែសម្រួល៖ សាង ស្រីល័ក្ខ

ប្រភព៖Apple