មកដឹងប្រទេសចំណាយលុយទិញអាវុធពី រុស្ស៊ី ច្រើនជាងគេ

រុស្ស៊ី​ជា​ប្រទេស​នាំ​ចេញ​អាវុធ​ធំ​ជាង​គេ​ទី​ ២ ​របស់​ពិភពលោក​នៅ​ពី​ក្រោយ​សហរដ្ឋ​អាមេរិកដែល​មាន​ចំនួន​ប្រហែល ២០ ភាគរយ​នៃ​ការ​លក់​សព្វាវុធ​ទូទាំង​ពិភពលោក ។

ទន្ទឹមនោះ ចន្លោះឆ្នាំ ២០១៦ និង ២០២០ ទីក្រុងមូស្គូបានលក់អាវុធសរុបចំនួន ២៨ ពាន់លានដុល្លារទៅឲ្យ ៤៥ ប្រទេស ។

បន្ថែមពីនេះ រុស្ស៊ីបាននាំចេញអាវុធជិត ៩០ ភាគរយទៅកាន់ប្រទេសចំនួន ១០ ខណៈប្រទេសដែលទិញអាវុធធំបំផុតរបស់ខ្លួនគឺឥណ្ឌា ។

ឥណ្ឌាបានទិញអាវុធពីប្រទេសរុស្ស៊ីចំនួន ២៣ ភាគរយក្នុងតម្លៃប្រហែល ៦.៥ ពាន់លានដុល្លារក្នុងរយៈពេល ៥ ឆ្នាំចុងក្រោយនេះ ហើយពាក់កណ្តាលនៃការនាំចូលអាវុធសរុបរបស់ប្រទេសឥណ្ឌា ឬប្រមាណ ៤៩.៣ ភាគរយបានមកពីប្រទេសរុស្ស៊ី ។

ចំណែកយោងតាមវិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) បានឲ្យដឹងថា ចិនគឺជាប្រទេសទិញអាវុធធំទី ២ របស់រុស្ស៊ីក្នុងតម្លៃ ៥.១ ពាន់លានដុល្លារក្នុងរយៈពេលដូចគ្នា ។

បន្ទាប់មកគឺប្រទេសអាល់ហ្សេរី ៤.២ ពាន់លានដុល្លារ, អេហ្ស៊ីប ៣.៣ ពាន់លានដុល្លារ និងវៀតណាម ១.៧ ពាន់លានដុល្លារ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ មកដឹងប្រទេសទិញប្រេងពី រុស្ស៊ី ភាគច្រើនគឺ អឺរ៉ុប