ព័ត៌មានអន្ដរជាតិ
មិនទាន់ចូលកាន់តំណែងផង ប្រធានាធិបតីកូរ៉េខាងត្បូង ធ្វើឲ្យអ្នកគាំទ្រ BTS ផ្ទុះកំហឹងទៅហើយ
អ្នកគាំទ្រក្រុមចម្រៀងបុរសកូរ៉េខាងត្បូង BTS បានចោទប្រកាន់ប្រធានាធិបតីជាប់ឆ្នោត Yoon Suk-yeol ថា បានព្យាយាមប្រើប្រាស់ Idol របស់ពួកគេ ដើម្បីជំរុញប្រជាប្រិយភាពរបស់គាត់ បន្ទាប់ពីក្រុមរៀបចំការផ្ទេរអំណាចរបស់គាត់ បង្ហើបថា ក្រុមតារាចម្រៀងនេះអាចនឹងមកសម្តែងក្នុងពិធីសម្ពោធចូលកាន់តំណែងនៅខែក្រោយ។
គិតត្រឹមថ្ងៃនេះ មានការបង្ហោះជាង ១៨០០ នៅលើគេហទំព័ររបស់គណៈកម្មាធិការអន្តរកាល ដែលទាំងអស់នោះសុទ្ធតែបដិសេធលទ្ធភាពនៃការយកតន្ត្រីប៉ុប លាយឡំជាមួយនយោបាយ។
ការបង្ហោះមួយបានសរសេរថា “សូមកុំយក BTS ទៅកេងចំណេញខាងនយោបាយ។ ពួកគេមិនមែនដើម្បីបង្កើនប្រជាប្រិយភាពរបស់អ្នកទេ។ ពួកគេគឺជាសិល្បករសកលដែលលើកស្ទួយវប្បធម៌កូរ៉េ”។
ញត្តិតាមអ៊ីនធឺណិតដាច់ដោយឡែកមួយដាក់នៅវិមានប្រធានាធិបតី Blue House បានទទួលហត្ថលេខាប្រហែល ៦០០០ ចាប់តាំងពីការបើកដំណើរការកាលពីថ្ងៃពុធ។ អ្នកគាំទ្រជាច្រើនក៏បានចូលទៅកាន់វេទិកាអ្នកគាំទ្រ KPop Weverse ផងដែរ ដោយបានសរសេរ Comment ក្រោម Hashtag “#NoBTSforInauguration”។
យ៉ាងណាក្តី ក្រុមផ្ទេរអំណាចរបស់លោក Yoon បាននិយាយថា ខ្លួនមិនទាន់សម្រេចចិត្តថាតើត្រូវអញ្ជើញ BTS មកសម្តែងឬអត់នោះទេ។
លទ្ធភាពនៃការចូលរួមរបស់ក្រុម BTS ត្រូវបានលើកឡើងជាលើកដំបូង ក្នុងអំឡុងកិច្ចសម្ភាសន៍តាមវិទ្យុកាលពីថ្ងៃអង្គារ ជាមួយមន្ត្រីទទួលបន្ទុករៀបចំពិធីសម្ពោធកាន់តំណែងថ្ងៃទី១០ខែឧសភា។
ផលិតកម្មរបស់ក្រុមចម្រៀងដែលមានសមាជិកប្រាំពីរនាក់ Bit Hit Music បាននិយាយថា ខ្លួនមិនទាន់បានទទួលការអញ្ជើញជាផ្លូវការពីការិយាល័យរបស់ Yoon នៅឡើយទេ។
ប្រធានាធិបតីផុតអាណត្តិលោក Moon Jae-in បានចូលកាន់តំណែងក្នុងឆ្នាំ ២០១៧ ដោយគ្មានពិធីជាសាធារណៈឡើយ ប៉ុន្តែតារាចម្រៀង និងតារាសម្តែងល្បីៗបានផ្តល់ការកម្សាន្តនៅក្នុងពិធីសម្ពោធចូលកាន់តំណែងរបស់ប្រធានាធិបតីនាពេលកន្លងមក។
ក្នុងឆ្នាំ ២០១៣ តារារ៉េប Psy បានបង្ហាញក្បាច់រាំជិះសេះជាមួយនឹងបទចម្រៀង “Gangnam Style” នៅចំពោះមុខអ្នកទស្សនាប្រហែល ៧០ ០០០ នាក់ក្នុងពិធីស្បថចូលកាន់តំណែងរបស់លោកស្រី Park Geun-hye ហើយស្តេចចម្រៀងប៉ុប Michael Jackson បានចូលរួមក្នុងពិធីសម្ពោធកាន់តំណែងរបស់លោក Kim Dae-jung នៅឆ្នាំ ១៩៩៨៕
ប្រែសម្រួល៖ Vann Vann
ប្រភព៖ Reuters
ចុចអាន៖ ការផ្ទេរតំណែងប្រធានាធិបតី កូរ៉េខាងត្បូង កំពុងចម្រូងចម្រាស់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង