ព័ត៌មានអន្ដរជាតិ
សភាប៉ាគីស្ថានបោះឆ្នោតលោក Sharif ជានាយករដ្ឋមន្ត្រីថ្មី ខណៈសមាជិកសភាជាង១០០នាក់លាឈប់
សមាជិកសភាជាង១០០នាក់ដែលស្មោះស្ម័គ្រនឹងនាយករដ្ឋមន្ត្រីប៉ាគីស្ថាន លោក Imran Khan ដែលត្រូវបានបោះឆ្នោតទម្លាក់បានលាលែងពីតំណែងកាលពីថ្ងៃចន្ទ ទី១១ ខែមេសា ដែលបានបង្កើតជាបញ្ហាឈឺក្បាលមួយសម្រាប់លោក Shehbaz Sharif ដែលស្និទ្ធស្នាលប្រទេសលោកខាងលិចចូលកាន់តំណែងនាយករដ្ឋមន្ត្រី នៅពេលលោកបានព្យាយាមអូយទាញប្រទេសចេញពីវិបត្តិនយោបាយ និងសេដ្ឋកិច្ច។
ការបោះឆ្នោតរបស់សភាលើលោក Sharif អាយុ៧០ឆ្នាំដើម្បីក្លាយជានាយករដ្ឋមន្ត្រីប៉ាគីស្ថានថ្មីកាលពីចន្ទធ្វើឡើង បន្ទាប់ពីវិបត្តិធម្មនុញ្ញរយៈពេលមួយសប្តាហ៍ដែលឈានដល់កម្រិតកំពូលមួយកាលពីថ្ងៃអាទិត្យនៅពេលលោក Khan អាយុ៦៩ឆ្នាំបានបាញ់ក្នុងការបោះឆ្នោតមិនទុកចិត្តនៅសភា។
ការចាកចេញរបស់លោក Khan ពីអំណាចបានធ្វើឲ្យមានផ្ទុះការតវ៉ាតាមដងផ្លូវយ៉ាងខ្លាំង និងការលាលែងពីតំណែងរបស់សមាជិកសភាជាច្រើននាក់ពីគណបក្ស Tehreek-e-Insaf របស់លោក Khan ដើម្បីជាការតវ៉ាការផ្លាស់ប្តូររដ្ឋាភិបាល។
ប្រសិនបើការលាឈប់ពីតំណែងត្រូវបានទទួលដោយប្រធានសភា ប្រទេសប៉ាគីស្ថាននឹងប្រឈមការបោះឆ្នោតជ្រើសរើសសមាជិកសភាជាង១០០នាក់ក្នុងរយៈពេល២ខែ ដែលជាការរំខានដល់លោក Sharif និងដៃគូសម្ព័ន្ធចម្រុះរបស់លោក ព្រមទាំងទម្រង់ដ៏មានឥទ្ធិពលសម្រាប់លោក Khan ដើម្បីកៀរគការគាំទ្រ។
ប្រការនេះមានន័យថា ប្រទេសអាវុធនុយក្លេអ៊ែរដែលមានប្រជាជន២២០លាននាក់មួយនេះនៅតែបន្តប្រឈមនឹងវិបត្តិនយោបាយ និងសេដ្ឋកិច្ច។
លោក Sharif មានកេរ្តិ៍ឈ្មោះល្អក្នុងការដឹកនាំដ៏មានប្រសិទ្ធភាពក្នុងនាមជាអ្នកនយោបាយម្នាក់។ លោកជាប្អូនប្រុសរបស់អតីតនាយករដ្ឋមន្ត្រី៣សម័យកាលលោក Nawaz Sharif។
អ្នកវិភាគបាននិយាយថា លោក Shehbaz ដែលមិនដូចបងប្រុស Nawaz ចូលចិត្តទំនាក់ទំនងមិត្តភាពជាមួយយោធារបស់ប៉ាគីស្ថានដែលគ្រប់គ្រងជាប្រពៃណីលើគោលនយោបាយការបរទេស និងការពារជាតិ។
បន្ទាប់ពីការបោះឆ្នោតកាលពីចន្ទ លោក Sharif បានប្តេជ្ញាដោះស្រាយវិបត្តិសេដ្ឋកិច្ចដែលមើលឃើញថា ប្រាក់រូពីធ្លាក់ចុះដល់កម្រិតគ្រប់សម័យកាល និងធនាគារកណ្តាលអនុវត្តការឡើងការប្រាក់ខ្ពស់បំផុតកាលពីសប្តាហ៍មុនក្នុងប៉ុន្មានទសវត្សរ៍នេះ។
លោកបានប្រាប់សភាថា ៖«ប្រសិនបើយើងរក្សាទូកកុំឲ្យលិច អ្វីដែលយើងទាំងអស់គ្នាត្រូវការគឺប្រឹងធ្វើការ និងសាមគ្គីគ្នា សាមគ្គី និងសាមគ្គី។ យើងនឹងចាប់ផ្តើមសករាជថ្មីនៃការអភិវឌ្ឍថ្ងៃនេះ»៕
ប្រែសម្រួល៖ វីរបុត្រ
ប្រភព៖ Reuters
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង