ព័ត៌មានអន្ដរជាតិ
លោក Joko Widodo នឹងចាក់វ៉ាក់សាំងកូវីដមុនគេ ហើយផ្ដល់ឲ្យពលរដ្ឋដោយឥតគិតថ្លៃ
ប្រធានាធិបតីឥណ្ឌូនេស៊ីលោក Joko Widodo បានសម្រេចចិត្តផ្តល់ការចាក់វ៉ាក់សាំងកូវីដ ១៩ ដោយឥតគិតថ្លៃដល់ពលរដ្ឋខ្លួន បន្ទាប់ពីបានពិចារណាលើថវិការបស់រដ្ឋ ។
លោកបាននិយាយនៅក្នុងសេចក្តីថ្លែងការណ៍របស់លេខាធិការគណៈរដ្ឋមន្រ្តីថា លោក Joko Widodo ឬគេហៅថា Jokowi បានបញ្ជាឲ្យរដ្ឋមន្រ្តីក្រសួងហិរញ្ញវត្ថុចាត់ចែងការចំណាយពីបញ្ហាផ្សេងៗដើម្បីផ្តល់មូលនិធិសម្រាប់វ៉ាក់សាំងឥតគិតថ្លៃ ។ គាត់ក៏នឹងក្លាយជាមនុស្សដំបូងគេដែលត្រូវបានចាក់វ៉ាក់សាំងដើម្បីបង្ហាញដល់មនុស្សថាការចាក់ថ្នាំបង្ការនេះមានសុវត្ថិភាព ។
លោកបាននិយាយថា “ដូច្នេះមិនមានហេតុផលអ្វីទៀតទេដែលមនុស្សមិនអាចទទួលបានវ៉ាក់សាំង” ។
វាមិនច្បាស់ទេថាតើកម្មវិធីនេះនឹងត្រូវចំណាយប៉ុន្មាន ហើយវ៉ាក់សាំងមួយណាដែលត្រូវប្រើ បន្ទាប់ពីបានបញ្ជាទិញទាំងក្រុមហ៊ុន Sinovac Biotech របស់ប្រទេសចិន ក្រុមហ៊ុនអាមេរិក Novavax និងក្រុមហ៊ុនអង់គ្លេស AstraZeneca ។
ទន្ទឹមនោះការដឹកជញ្ជូនវ៉ាក់សាំងចំនួន ១.២ លានដូសពីក្រុមហ៊ុន Sinovac បានមកដល់ទីក្រុងហ្សាកាតានៅខែនេះ ហើយកំពុងត្រូវបានវាយតម្លៃដោយនិយតករឱសថក្នុងស្រុក មុនពេលរដ្ឋាភិបាលអាចចាប់ផ្តើមនូវអ្វីដែលត្រូវបានគេកំណត់ថាជាកម្មវិធីចាក់វ៉ាក់សាំងដំបូងបង្អស់នៅអាស៊ីអាគ្នេយ៍ ។
ប្រទេសដែលជាមានប្រជាជនច្រើនជាងគេលំដាប់ទី ៤ នៅលើពិភពលោកបានរៀបចំផែនការចំណាយប្រាក់លើវ៉ាក់សាំងជិត ៧៤ លានដូសតាមរយៈការធានារ៉ាប់រងសុខភាពថ្នាក់ជាតិ ខណៈប្រជាជននៅសល់ ២៧០ លាននាក់ទៀតត្រូវចំណាយខ្លួនឯង ។
ការស្ទង់មតិរបស់រដ្ឋាភិបាលក្នុងខែកញ្ញាបានឲ្យដឹងថា ការចំណាយនេះគឺជាក្តីកង្វល់ដ៏សំខាន់សម្រាប់ប្រជាជនឥណ្ឌូនេស៊ី ខណៈដែលមានតែមួយភាគបីប៉ុណ្ណោះនៃប្រជាជនដែលចង់ចាក់វ៉ាក់សាំងកូវីដនិយាយថាសុខចិត្តចំណាយប្រាក់ដើម្បីចាក់វ៉ាក់សាំងខ្លួនឯង ៕
ប្រែសម្រួលដោយ ៖ ជីវ័ន្ត
ប្រភព ៖ Bloomberg
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ