ជម្លោះក្នុង EU! មួយប្រទេស ចេញមុខប្រឆាំងការប៉ុនប៉ងចូលជាសមាជិករបស់ អ៊ុយក្រែន

អ៊ុយក្រែន​និយាយ​ថា ខ្លួន​ខកចិត្តយ៉ាងខ្លាំង​ដែល​កិច្ច​ខិតខំ​ប្រឹងប្រែង​របស់​ខ្លួន ​ក្នុង​ការ​ចូលរួម​ជាមួយ​សហភាព​អឺរ៉ុប (EU) ​បាន​ជួប​ការ​ប្រឆាំង​ពីប្រទេស ​អូទ្រីស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីការបរទេសអូទ្រីសលោក Alexander Schallenberg ត្រូវបានគេដកស្រង់សម្តីដោយនិយាយថា​ ទីក្រុង កៀវ មិនគួរត្រូវបានផ្តល់សមាជិកភាពនៃប្លុក២៧ប្រទេសនេះទេ ហើយផ្ទុយពីនេះ ពួកគេគួរតែពិចារណាដើម្បីអភិវឌ្ឍទំនាក់ទំនង EU-អ៊ុយក្រែន វិញទៅល្អជាង។

ទោះបីជាយ៉ាងណាក៏ដោយ ប្រទេសអ៊ុយក្រែន ​បាន​ហៅ​ការ​លើក​ឡើង​នេះ​ថា ​ជាការមិនបានមើលឃើញវែងឆ្ងាយ។

ប្រធានាធិបតីអ៊ុយក្រែនលោក Volodymyr Zelensky បានដាក់សំណើសុំចូលរួចទៅហើយ ហើយប្រធានគណៈកម្មការអឺរ៉ុបលោកស្រី Ursula von der Leyen ក៏បាននិយាយដែរថា ពួកគេចង់ឲ្យអ៊ុយក្រែនស្ថិតនៅក្នុង EU។

គួរបញ្ជាក់ថា EU បានប្រមូលផ្តុំគ្នានៅពីក្រោយអ៊ុយក្រែន ក្នុងអំឡុងពេលសង្រ្គាម ដោយបានដាក់ទណ្ឌកម្មរុស្ស៊ីចំពោះការលុកលុយរបស់ខ្លួន៕

ប្រែសម្រួល៖ Vann Vann

ប្រភព៖ Albanian Daily

ចុចអាន៖ ឆេះវិទ្យាស្ថានស្រាវជ្រាវ អាវុធ សម្ងាត់ កំពូលរុស្ស៊ី ខណៈមានដំណឹងថា អ្នកវិទ្យាសាស្រ្តឈានមុខមួយចំនួន បាត់បង់ជីវិត