ព័ត៌មានអន្ដរជាតិ
ទីបំផុត WHO បញ្ជូនក្រុមអ្នកវិទ្យាសាស្ត្រទៅ អ៊ូហាន ដើម្បីរកប្រភពដើមនៃវីរុសកូរ៉ូណា
ក្រុមអ្នកវិទ្យាសាស្ត្ររបស់អង្គការសុខភាពពិភពលោក (WHO) នឹងធ្វើដំណើរទៅកាន់ទីក្រុង អ៊ូហាន នាខែមករាខាងមុខនេះដើម្បីស៊ើបអង្កេតរកប្រភពដើមនៃជំងឺកូវីដ១៩បន្ទាប់ពីការចរចាអស់រយៈពេលជាច្រើនខែជាមួយប្រទេសចិនដើម្បីទទួលបានការយល់ព្រម។
អ្នកនាំពាក្យ WHO លោក Hedinn Halldorsson បានបញ្ជាក់ថា បេសកកម្មអន្តរជាតិនេះត្រូវបានគេរំពឹងថានឹងធ្វើដំណើរទៅកាន់ប្រទេសចិននៅក្នុងសប្តាហ៍ដំបូងនៃខែមករាដើម្បីស៊ើបអង្កេតពីប្រភពដើមនៃវីរុសដែលបានបង្កឲ្យមានជំងឺរាតត្បាតជាសកល។
មួយឆ្នាំដែលជំងឺកូវីដ១៩បានសម្លាប់មនុស្សជាង១.៦លាននាក់និងឆ្លងជាង៧៣លាននាក់នៅទូទាំងពិភពលោក សំណួរថាតើវីរុសនេះមកពីណានិងថាតើវាឆ្លងមកមនុស្សតាមរបៀបណានៅតែជាអាថ៌កំបាំងនៅឡើយ។
សហរដ្ឋអាមេរិកដែលបានចោទប្រកាន់ប្រទេសចិនថាបានលាក់បាំងវិសាលភាពនៃការផ្ទុះឡើងនោះ បានអំពាវនាវឲ្យមានការស៊ើបអង្កេតដឹកនាំដោយ WHO ប្រកបដោយតម្លាភាពនិងបានរិះគន់លើលក្ខខណ្ឌរបស់អង្គការនេះដែលអនុញ្ញាតឲ្យអ្នកវិទ្យាសាស្ត្រចិនធ្វើការស្រាវជ្រាវដំណាក់កាលដំបូង។
ប្រទេសចិនបានរាយការណ៍ពីករណីដំបូងនៃជំងឺកូវីដក្នុងទីក្រុង អ៊ូហាន ភាគកណ្តាល ទៅ WHO នៅថ្ងៃទី៣១ខែធ្នូនិងបានបិទផ្សារសើមដែល វីរុសកូរ៉ូណាត្រូវបានគេជឿថាផ្ទុះចេញពីទីនោះ។
នៅខែឧសភា បណ្តារដ្ឋមន្រ្តីក្រសួងសុខាភិបាលបានអំពាវនាវដល់ WHO ឲ្យកំណត់ប្រភពដើមនៃវីរុសកូរ៉ូណានិងរបៀបដែលវាឆ្លងចេញពីសត្វហើយទីភ្នាក់ងារសុខភាពរបស់អង្គការសហប្រជាជាតិមួយនេះបានបញ្ជូនក្រុមទៅកាន់ទីក្រុងប៉េកាំងនៅខែកក្កដាដើម្បីរៀបចំការស៊ើបអង្កេតជាអន្តរជាតិ។
ប៉ុន្តែរហូតមកដល់ពេលនេះ នៅតែមិនទាន់មានភាពច្បាស់លាស់នៅឡើយទេអំពីពេលវេលាដែលក្រុមអ្នកវិទ្យាសាស្ត្រធំៗនឹងអាចធ្វើដំណើរទៅកាន់ប្រទេសចិនដើម្បីចាប់ផ្តើមការសិក្សាអំពីរោគរាតត្បាតដើម្បីព្យាយាមកំណត់ករណីមនុស្សដំបូងនិងប្រភពនៃការចម្លងរបស់ពួកគេ។
ឥឡូវ ក្រុមអ្នកជំនាញអន្តរជាតិមានគ្នាពី១២ទៅ១៥នាក់កំពុងត្រៀមខ្លួនធ្វើដំណើរទៅកាន់ទីក្រុងអ៊ូហានដើម្បីពិនិត្យមើលភស្តុតាងរួមទាំងសំណាកមនុស្សនិងសត្វដែលប្រមូលដោយក្រុមអ្នកស្រាវជ្រាវជនជាតិចិនផងដែរនិងដើម្បីបង្កើតការសិក្សាដំបូងរបស់ពួកគេ៕
ប្រែសម្រួលដោយ៖ Vann Vann
ប្រភព៖ Daily Mail
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៩ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានអន្ដរជាតិ៥ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ