ព័ត៌មានអន្ដរជាតិ

ក្រោយពាក្យចចាមអារ៉ាមលោក ពូទីន ផ្ទេរអំណាចបណ្ដោះអាសន្នទៅឲ្យ អតីតមេប៉ូលិស តើគាត់ជានរណា?

បានផុស

៣ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ខណៈដែលមានពាក្យចចាមអារ៉ាមថាប្រធានាធិបតីរុស្ស៊ីលោក វ៉្លាឌីមៀ ពូទីន នឹងទទួលការវះកាត់ជំងឺមហារីក ក៏ស្រាប់តែមានរបាយការណ៍ថ្មីមួយបានអះអាងថា បុរសខ្លាំងរូបនេះនឹងប្រគល់អំណាចបណ្ដោះអាសន្នទៅឲ្យលោក Nikolai Patrushev ជាអតីតមេប៉ូលិសសហព័ន្ធមួយរូប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាការអះអាងខាងលើនេះមិនត្រូវបានបញ្ជាក់ដោយប្រភពឯករាជ្យណាមួយនោះទេ ហើយទីក្រុងមូស្គូក៏បានចេញមុខបដិសេធពីរឿងនេះផងដែរ ប៉ុន្តែប្រសិនបើលោក Nikolai Patrushev គ្រប់គ្រងរដ្ឋាភិបាលរបស់រុស្ស៊ីមែននោះ តើលោកជានរណា?

លោក Nikolai Patrushev វ័យ ៧០ ឆ្នាំគឺជាលេខាធិការនៃក្រុមប្រឹក្សាសន្តិសុខរបស់ប្រទេសរុស្ស៊ីដែលជាស្ថាប័នដ៏មានឥទ្ធិពលសម្រាប់ការរាយការណ៍ដោយផ្ទាល់ទៅកាន់លោក ពូទីន និងចេញការណែនាំអំពីបញ្ហាយោធា និងសន្តិសុខនៅក្នុងប្រទេសរុស្ស៊ី ។

ទន្ទឹមនោះភាគច្រើននៃអំណាចរបស់ក្រុមប្រឹក្សាត្រូវបានប្រគល់ឲ្យលោក Patrushev ដែលត្រូវបានគេមើលឃើញថាជាសម្ព័ន្ធមិត្តដ៏រឹងមាំរបស់លោក ពូទីន ។

បើយោងតាមកាសែតរុស្ស៊ី Moscow Times បានរាយការណ៍ថា ដូចលោក ពូទីន ដែរ, លោក Patrushev មានអាជីពជាភ្នាក់ងារចារកម្មរុស្ស៊ីមុនដំបូងជាមួយទីភ្នាក់ងារសន្តិសុខរុស្ស៊ី (KGB) បន្ទាប់មកជាមួយសេវាសន្តិសុខសហព័ន្ធរុស្ស៊ី (FSB) ហើយកាសែតនេះក៏បានប្រដូចតួនាទីរបស់លោក Patrushev ទៅនឹងទីប្រឹក្សាសន្តិសុខជាតិរបស់អាមេរិកផងដែរ ៕