ព័ត៌មានអន្ដរជាតិ
មេដឹកនាំ G7 នឹងប្រជុំតាមវីដេអូជាមួយលោក Zelenskiy ថ្ងៃស្អែក
មេដឹកនាំនៃបណ្តាប្រទេសមហាអំណាចទាំង៧ (G7) ក្នុងនោះមានប្រធានាធិបតីសហរដ្ឋអាមេរិក លោក ចូ បៃដិន ផងនឹងជួបគ្នាតាមរយៈការហៅវីដេអូមួយនាថ្ងៃអាទិត្យ ទី៨ ខែឧសភានេះជាមួយប្រធានាធិបតីអ៊ុយក្រែន លោក Volodymyr Zelenskiy ដើម្បីជាការបង្ហាញសាមគ្គីភាពមួយថ្ងៃមុនពេលប្រទេសរុស្ស៊ីប្រារព្ធ«ទិវាជ័យជម្នះ»។
អ្នកនាំពាក្យនៃក្រុមប្រឹក្សាសន្តិសុខជាតិរបស់សេតវិមានបាននិយាយថា ៖«កិច្ចពិភាក្សានឹងផ្តោតលើការវិវត្តចុងក្រោយបំផុតនៅក្នុងសង្គ្រាមរបស់រុស្ស៊ីនៅប្រទេសអ៊ុយក្រែន។ ការប្រឹងប្រែងដើម្បីជួយគាំទ្រអ៊ុយក្រែន និងរកមធ្យោបាយដែលបង្ហាញថា សាមគ្គីភាព G7 ចេះតែបន្តដែលជាការឆ្លើយតបរួមរបស់ពួកយើង ក្នុងនោះមានទាំងការដាក់ទណ្ឌកម្មធ្ងន់ធ្ងរលើសង្គ្រាមរបស់រុស្ស៊ី»។
អ្នកនាំពាក្យបានបន្ថែមថា មេដឹកនាំ G7 ដែលមានសហរដ្ឋអាមេរិក ចក្រភពអង់គ្លេស បារាំង អាល្លឺម៉ង់ ជប៉ុន កាណាដា និងអ៉ីតាលីនឹងរៀបចំកិច្ចប្រជុំតាមអនឡាញជាមួយលោកប្រធានាធិបតីអ៊ុយក្រែន Zelenskiy នាថ្ងៃអាទិត្យដែលត្រូវនឹងពេលព្រឹកនៅអាមេរិក។
និយាយទៅកាន់អ្នកកាសែតនៅលើយន្តហោះ Air Force One នៅពេលលោក ចូ បៃដិន ធ្វើដំណើរទៅកាន់ទីក្រុង Ohio លោកស្រី Psaki រដ្ឋមន្ត្រីព័ត៌មានប្រចាំសេតវិមានបាននិយាយថា ពេលវេលានៃកិច្ចប្រជុំគឺពិតជាសំខាន់ណាស់ ពីព្រោះវានឹងកើតមានមួយថ្ងៃមុនពេលលោក ពូទីន ចូលរួមទិវាជ័យជម្នះ។ ទិវាជ័យជម្នះដែលនឹងប្រារព្ធនាថ្ងៃចន្ទដើមសប្តាហ៍ក្រោយនេះគឺជាពេលវេលារម្លឹកដល់ការបញ្ចប់សង្គ្រាមលោកលើកទី២ និងរាប់ទាំងការដើរព្យុះហយាត្រាយោធាទូទាំងប្រទេសរុស្ស៊ី។
លោកស្រីបន្ថែមថា ៖«ខណៈពេលលោក (ពូទីន) រំពឹងដើរហែរក្បួនឆ្លងកាត់តាមផ្លូវនៅទីក្រុងកៀវ នោះគឺច្បាស់ណាស់ថា នឹងមិនកើតឡើងទេ»។
លោកស្រី Psaki ក៏បាននិយាយដែរថា មន្ត្រីអាមេរិកកំពុងពិភាក្សាគ្នាអំពីការដាក់ទណ្ឌកម្មបន្ថែមលើបុគ្គល និងក្រុមហ៊ុនរុស្ស៊ី។ អាមេរិក និងសម្ព័ន្ធមិត្តធ្លាប់បានរួបរួមគ្នាដើម្បីដាក់ទណ្ឌកម្មយ៉ាងច្រើនបន្តបន្ទាប់ប្រឆាំងលើធនាគារ មន្ត្រី និងបុគ្គលរបស់រុស្ស៊ីដោយសារតែការវាយប្រហារលើប្រទេសអ៊ុយក្រែន។
នៅថ្ងៃពុធ លោក ចូ បៃដិន គ្រោងពិភាក្សាដ៏មានសក្តានុពលដើម្បីចាត់វិធានការដាក់ទណ្ឌកម្មបន្ថែមលើរដ្ឋាភិបាលទីក្រុងមូស្គូ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»