Connect with us

ព័ត៌មានអន្ដរជាតិ

ហ្វីលីពីន ជិតរកឃើញអ្នកស្នងតំណែងលោក Duterte ហើយ

បានផុស

នៅ

ប្រទេសហ្វីលីពីនបានចាប់ផ្ដើមដំណើរការបោះឆ្នោតនៅថ្ងៃចន្ទនេះដើម្បីជ្រើសរើសប្រធានាធិបតីថ្មី ខណៈរហូតមកដល់ពេលនេះកូនប្រុសរបស់អតីតមេដឹកនាំផ្តាច់ការលោក Ferdinand Marcos កំពុងក្លាយជាបេក្ខភាពឈានមុនក្នុងការឈ្នះឆ្នោត ។

លោក Ferdinand Marcos Jr.
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមគណៈកម្មការរៀបចំការបោះឆ្នោតហ្វីលីពីនបានឲ្យដឹងថា ប្រជាជននៅក្នុងប្រទេសហ្វីលីពីន ៦៥.៧ លាននាក់បានចុះឈ្មោះបោះឆ្នោត ហើយ ១.៦៩ លាននាក់នឹងចូលរួមការបោះឆ្នោតនៅតាមស្ថានទូតហ្វីលីពីននៅឯក្រៅប្រទេស ខណៈការិយាល័យបោះឆ្នោតប្រហែល ៣៧,០០០ បានបើកទ្វារនៅម៉ោង ៦ ព្រឹក ហើយនឹងបិទទៅវិញនៅម៉ោង ៧ យប់ ហើយបន្ទាប់ពីនោះការរាប់សន្លឹកឆ្នោតនឹងចាប់ផ្តើមភ្លាមៗ ។

សម្រាប់ការបោះឆ្នោតនេះដែរ បេក្ខជន ១០ រូបកំពុងប្រជែងគ្នាដើម្បីជំនួសតំណែងប្រធានាធិបតីលោក Rodrigo Duterte ដែលផុតអាណត្តិ ប៉ុន្តែតាមការស្ទង់មតិបង្ហាញថា អ្នកនាំមុខគឺលោក Ferdinand Marcos Jr. ដែលជាកូនប្រុសច្បងរបស់មេដឹកនាំផ្តាច់ការលោក Ferdinand Marcos ។

ការទទួលបានសំឡេងគាំទ្រនេះ ក៏ដោយសារតែអំឡុងពេលយុទ្ធនាការឃោសនាបោះឆ្នោតលោក Marcos Jr បានសន្យារក្សាគោលនយោបាយរបស់រដ្ឋបាលលោក Duterte ដូចជាការធ្វើឲ្យប្រសើរឡើងនូវហេដ្ឋារចនាសម្ព័ន្ធ និងការបង្រ្កាបគ្រឿងញៀនខុសច្បាប់ជាដើម ។

ទន្ទឹមនោះលោក Marcos ​Jr បាន​និង​កំពុង​គាំទ្រ​យ៉ាង​ខ្លាំង​ក្នុង​ចំណោម​អ្នក​បោះឆ្នោត​ក្មេងៗ​ដែល​កើត​ក្រោយ​របប​ផ្តាច់ការ​របស់​ឪពុកលោក ក្រោយ​អះអាង​តាម​បណ្តាញ​សង្គម​ថា ឪពុក​របស់​លោក​បាន​បង្កើន​សេដ្ឋកិច្ច​តាម​រយៈ​ការ​អភិវឌ្ឍ​ហេដ្ឋារចនាសម្ព័ន្ធ ។

ចំណែកគូប្រជែងដ៏ខ្លាំងក្លាបំផុតរបស់លោក Marcos Jr នោះគឺអនុប្រធានាធិបតីដែលកំពុងកាន់អំណាចលោកស្រី Leni Robredo ខណៈការបោះឆ្នោតស្ទង់មតិចុងក្រោយបំផុតរបស់ Pulse Asia បានបង្ហាញថា លោក Marcos Jr ទទួលបានសំឡេង ៥៦ ភាគរយ លោកស្រី Leni Robredo ទទួលបានសំឡេងត្រឹម ២៤ ភាគរយប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ BBC / NHK

ចុចអាន ៖ ពិភពលោកកំពុងភ័យខ្លាចលោក ពូទីន ប្រកាសសង្គ្រាមក្នុង “ទិវាជ័យជម្នះ” ថ្ងៃនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម