ព័ត៌មានអន្ដរជាតិ
អាមេរិក ថាឲ្យ ពូទីន ចំៗ ក្រោយថ្លែងសុន្ទរកថាទិវាជ័យជម្នះ (មានវីដេអូ)
រដ្ឋាភិបាលសហរដ្ឋអាមេរិក បានរិះគន់ការអះអាងរបស់លោក វ្ល៉ាឌីមៀរ ពូទីន ដែលថា សង្រ្គាមរបស់គាត់លើអ៊ុយក្រែនគឺជា “ការការពារ”។ លោក ពូទីន បានលើកឡើងបែបនេះ នៅពេលទីក្រុងមូស្គូប្រារព្ធទិវាជ័យជម្នះសង្គ្រាមលោកលើកទី២ លើពួកណាស៊ីអាល្លឺម៉ង់។
លេខាធិការសារព័ត៌មានសេតវិមាន លោកស្រី Jen Psaki បានចោទប្រកាន់លោក ពូទីន ថា “បំភ្លៃប្រវត្តិសាស្ត្រ” នៅក្នុងសុន្ទរកថារបស់គាត់ ។
ស្របពេលជាមួយគ្នានោះ អ្នកនាំពាក្យក្រសួងការបរទេសអាមេរិក លោក Ned Price បានប្រាប់អ្នកយកព័ត៌មានថា វាជារឿងមិនសមហេតុផលទាល់តែសោះ ដែលមេដឹកនាំរុស្ស៊ីនិយាយថា ប្រតិបត្តិការរបស់គាត់នៅអ៊ុយក្រែន មិនមែនជាការវាយប្រហារលុកលុយនោះទេ។
ទន្ទឹមនោះដែរ សមភាគីរបស់គាត់នៅមន្ទីរបញ្ចកោណ បានស្តីបន្ទោសការចោទប្រកាន់របស់រដ្ឋាភិបាលរុស្ស៊ីដែលថា រដ្ឋាភិបាលអ៊ុយក្រែនគ្រប់គ្រងដោយពួកណាស៊ី។
លោក John Kirby អ្នកនាំពាក្យក្រសួងការពារជាតិអាមេរិក បានប្រាប់អ្នកយកព័ត៌មានកាលពីថ្ងៃចន្ទទី០៩ខែឧសភាថា “អ្នកដឹងទេថា អ្នកណានៅអ៊ុយក្រែន? ជនជាតិអ៊ុយក្រែន មិនមែនជាពួកណាស៊ីទេ”។
រឿងនេះកើតឡើងនៅពេលលោកពូទីន ព្យាយាមបង្ហាញសង្រ្គាមបង្ហូរឈាមរបស់គាត់នៅក្នុងពន្លឺវិជ្ជមាន អំឡុងពេលប្រារព្ធទិវាជ័យជម្នះរបស់វិមានក្រឹមឡាំង នៅទីលានក្រហម។
លោក ពូទីន ថ្លែងថា “អ្នកកំពុងតស៊ូដើម្បីមាតុភូមិ ដើម្បីអនាគតរបស់ខ្លួន ដូច្នេះកុំឲ្យនរណាម្នាក់ភ្លេចមេរៀននៃសង្គ្រាមលោកលើកទីពីរឲ្យសោះ។ គ្មានកន្លែងណាក្នុងលោកនេះ សម្រាប់អ្នកព្យួរក អ្នកប្រហារជីវិត និងពួកណាស៊ីទេ”។
នៅពេលសួរអំពីការអត្ថាធិប្បាយរបស់លោកពូទីន ក្នុងសន្និសីទសារព័ត៌មានមួយរបស់ក្រសួងការបរទេស លោក Price និយាយថា “វាជាឱកាសមួយសម្រាប់ពួកយើងដើម្បីដឹងច្បាស់អំពីការពិត។ ផ្ទុយពីអ្វីដែលយើងបានឮនៅថ្ងៃនេះក្នុងទីក្រុងមូស្គូ ការលុកលុយរបស់រុស្ស៊ីលើអ៊ុយក្រែន គឺជាសង្រ្គាមជ្រើសរើសដ៏ឃោរឃៅ។ វាមិនមានការរំខាន វាមិនសមហេតុផល វាត្រូវបានគិតទុកជាមុន ហើយវាបាននាំមកនូវការខាតបង់យ៉ាងធ្ងន់ធ្ងរដល់អាយុជីវិតមនុស្ស នៅទូទាំងប្រទេសអ៊ុយក្រែន”។
ជាថ្មីម្តងទៀត លោក Price បានចោទប្រកាន់រុស្ស៊ី អំពីការប្រព្រឹត្តឧក្រិដ្ឋកម្មសង្គ្រាមនៅអ៊ុយក្រែន រួមទាំងការទម្លាក់គ្រាប់បែកនាពេលថ្មីៗនេះ លើសាលារៀនមួយកន្លែងនៅភាគខាងកើតប្រទេសអ៊ុយក្រែន ដែលនៅតែស្ថិតនៅក្រោមការកាន់កាប់របស់ទីក្រុងមូស្គូផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ សហរដ្ឋ អាមេរិក អនុម័តច្បាប់ កម្មវិធី អាវុធសម័យ សង្រ្គាម លោក លើក ទី ២ ដើម្បីជួយ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ