ព័ត៌មានអន្ដរជាតិ

កូរ៉េខាងជើងមានអ្នកស្លាប់ដោយកូវីដលើកដំបូង ខណៈមនុស្សជាង៣សែននាក់ក្តៅខ្លួន

បានផុស

២ years មុន

នៅ

ថ្ងៃសុក្រ ១៣ ឧសភា ២០២២

ដោយ

យ៉ាងហោចណាស់មានករណីស្លាប់ដោយជំងឺកូវីដ-១៩លើកដំបូងនៅក្នុងប្រទេសកូរ៉េខាងជើង និងមនុស្សរាប់ម៉ឺននាក់ទៀតបង្ហាញរោគសញ្ញាក្តៅខ្លួន។ នេះបើយោងតាមការផ្សាយរបស់ប្រព័ន្ធផ្សព្វផ្សាយរដ្ឋនៅថ្ងៃសុក្រ ទី១៣ ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយផ្លូវការ KCNA របស់កូរ៉េខាងជើងបានផ្សាយថា មនុស្សប្រហែលជា ១៨៧៨០០នាក់ត្រូវបានកំពុងព្យាបាលនៅកន្លែងដាច់ដោយឡែក បន្ទាប់ពីកើតមានអាការក្តៅខ្លួនដែលកើតឡើងដោយមិនដឹងប្រភពមកពីណាដែលរាលដាលយ៉ាងខ្លាំងទូទាំងប្រទេស គិតចាប់តតាំងពីចុងខែមេសាមក។

មនុស្សប្រហែលជា ៣៥០០០០នាក់បង្ហាញរោគសញ្ញាក្តៅខ្លួន ក្នុងនោះមាន១៨០០០នាក់ដែលបានបង្ហាញរោគសញ្ញាថ្មីកាលពីថ្ងៃព្រហស្បតិ៍។ KCNA បានផ្សាយ និងបន្តថា ប្រហែលជា១៦២២០០នាក់បានកំពុងព្យាបាល ប៉ុន្តែមិនបង្ហាញជាក់លាក់ថាតើមនុស្សប៉ុន្មាននាក់ដែលបានធ្វើតេស្តវិជ្ជមានកូវីដ-១៩។

KCNA បានផ្សាយថា ហោចណាស់មនុស្ស៦នាក់ដែលមានរោគសញ្ញាក្តៅខ្លួនបានស្លាប់ ក្នុងនោះមានម្នាក់ត្រូវបានបញ្ជាក់ពីការតេស្តរកឃើញឆ្លងវីរុសរង Omicron។

មេដឹកនាំកូរ៉េខាងជើង លោក គីម ជុងអ៊ុន បានទៅកាន់មជ្ឈមណ្ឌលប្រឆាំងវីរុសកាលពីថ្ងៃព្រហស្បតិ៍ដើម្បីត្រួតពិនិត្យពីស្ថានភាព និងឆ្លើយតប បន្ទាប់ពីប្រកាសដាក់ប្រទេសក្នុងគ្រាអាសន្ន ហើយបញ្ជាឲ្យដាក់បំរាមបិទខ្ទប់ទូទាំងប្រទេសចាប់ពីថ្ងៃព្រហស្បតិ៍៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសកូរ៉េខាងជើង