Connect with us

ព័ត៌មានអន្ដរជាតិ

UN ព្រមានថា សង្គ្រាមរុស្ស៊ី-អ៊ុយក្រែន អាចបង្កឲ្យមានវិបត្តិស្បៀងអាហារពិភពលោក នៅប៉ុន្មានខែខាងមុខ (មានវីដេអូ)

បានផុស

នៅ

អង្គការសហប្រជាជាតិ​ (UN) បានព្រមានថា ការលុកលុយរបស់រុស្ស៊ីលើអ៊ុយក្រែន អាចបណ្តាលឲ្យមានកង្វះខាតស្បៀងអាហារជាសកល ក្នុងរយៈពេលប៉ុន្មានខែខាងមុខនេះ។

This image has an empty alt attribute; its file name is 2022-03-01t124506z_1428094393_rc2ots9spnqy_rtrmadp_3_ukraine-crisis-yara-food_1.jpg

អគ្គលេខាធិការ Antonio Guterres និយាយថា សង្រ្គាម បានធ្វើឲ្យអសន្តិសុខស្បៀងកាន់តែអាក្រក់ទៅៗនៅក្នុងប្រទេសក្រីក្រ ដោយសារតែតម្លៃកើនឡើង។ ពិភពលោកអាចប្រឈមនឹងគ្រោះទុរ្ភិក្សដែលអូសបន្លាយពេលច្រើនឆ្នាំ ប្រសិនបើការនាំចេញរបស់អ៊ុយក្រែនមិនត្រូវបានស្ដារឡើងវិញក្នុងកម្រិតមុនសង្គ្រាមទេនោះ។

ជម្លោះនេះ បានកាត់ផ្តាច់ការផ្គត់ផ្គង់ចេញពីកំពង់ផែរបស់អ៊ុយក្រែន ដែលធ្លាប់តែនាំចេញប្រេងឆាក្នុងបរិមាណដ៏ច្រើន ព្រមទាំងធញ្ញជាតិដូចជាពោត និងស្រូវសាលីផងដែរ។

This image has an empty alt attribute; its file name is 124809798_hi076100927.jpg
អគ្គលេខាធិការ​ UN លោក Antonio Guterres (ឆ្វេង)

នេះ បានកាត់បន្ថយការផ្គត់ផ្គង់សកល និងបណ្តាលឲ្យតម្លៃកើនឡើងខ្ពស់។ យោងតាម UN, តម្លៃ​អាហារជា​សកល​គឺសឹងតែ​ខ្ពស់​ជាង​ពេល ៣០% បើប្រៀបធៀបនឹងរយៈពេលដូចគ្នាកាលពីឆ្នាំមុន។

ថ្លែងនៅក្នុងទីក្រុងញូវយ៉កកាលពីថ្ងៃពុធទី១៨ខែឧសភា លោក Guterres និយាយថា ជម្លោះនេះកំពុងគំរាមកំហែង ធ្វើឲ្យមនុស្សរាប់សិបលាននាក់ធ្លាក់ចូលទៅក្នុងអសន្តិសុខស្បៀងអាហារ បន្ទាប់មកនឹងមានកង្វះអាហារូបត្ថម្ភ ភាពអត់ឃ្លាននិងគ្រោះទុរ្ភិក្សនៅក្នុងវិបត្តិមួយ ដែលអាចអូសបន្លាយរាប់ឆ្នាំឯណោះ។

This image has an empty alt attribute; its file name is 20Food-Prices-Top-mediumSquareAt3X-1024x1024.jpg

ការអត្ថាធិប្បាយរបស់លោក បានកើតឡើងនៅថ្ងៃតែមួយ ដែលធនាគារពិភពលោក បានប្រកាសផ្តល់មូលនិធិបន្ថែមក្នុងទំហំទឹកប្រាក់ ១២ពាន់លានដុល្លារអាមេរិក សម្រាប់គម្រោងដោះស្រាយបញ្ហាអសន្តិសុខស្បៀងអាហារ។

មូលនិធិបន្ថែមថ្មី នឹងនាំឲ្យទឹកប្រាក់ផ្តល់ជូនសរុបសម្រាប់គម្រោងបែបនេះ កើនឡើងដល់ជាង ៣៧ពាន់លានដុល្លារក្នុងរយៈពេល១៥ខែបន្ទាប់។

This image has an empty alt attribute; its file name is ukraine-wheat-1024x576.jpg

គួរបញ្ជាក់ថា ប្រទេសរុស្ស៊ី និងអ៊ុយក្រែនផលិតបាន ៣០% នៃការផ្គត់ផ្គង់ស្រូវសាលីរបស់ពិភពលោក ហើយមុនពេលសង្រ្គាម, អ៊ុយក្រែនត្រូវបានគេមើលឃើញថាជាប្រភពកសិផលរបស់ពិភពលោក ដោយបាននាំចេញកសិផលចំនួន ៤.៥លានតោនក្នុងមួយខែតាមរយៈកំពង់ផែរបស់ខ្លួន។

ប៉ុន្តែចាប់តាំងពីរុស្ស៊ី បើកការលុកលុយក្នុងខែកុម្ភៈមក ការនាំចេញបានធ្លាក់ចុះ ហើយតម្លៃបានកើនឡើងយ៉ាងខ្លាំង។ តម្លៃបានកើនឡើងបន្ថែមទៀត បន្ទាប់ពីប្រទេសឥណ្ឌា ហាមឃាត់ការនាំចេញស្រូវសាលីកាលពីថ្ងៃសៅរ៍សប្តាហ៍មុន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក ពូទីន ថា អឺរ៉ុបសម្លាប់សេដ្ឋកិច្ចខ្លួនឯង ដោយការដាក់ទណ្ឌកម្ម រុស្ស៊ី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម