លោក Blinken៖ ទណ្ឌកម្មលោកខាងលិចលើរុស្ស៊ី មិនបង្កឲ្យមានអសន្តិសុខស្បៀងអាហារជាសកលទេ

រដ្ឋមន្ត្រីការបរទេសអាមេរិកលោក Antony Blinken បាននិយាយនៅក្នុងសុន្ទរកថាទៅកាន់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃព្រហស្បតិ៍ទី១៩ខែឧសភាថា ទណ្ឌកម្មដែលប្រទេសលោកខាងលិច ដាក់លើរុស្ស៊ី គឺមិនបង្កឲ្យមានអសន្តិសុខស្បៀងអាហារ នៅជុំវិញពិភពលោកនោះទេ។

លោក Blinken និយាយថា “ទណ្ឌកម្មមិនរារាំងរុស្ស៊ីពីការនាំចេញអាហារ និងជីឡើយ។ ទណ្ឌកម្មដែលដាក់ដោយសហរដ្ឋអាមេរិក និងប្រទេសជាច្រើនទៀត គឺជាការយកអាហារ ជី និងគ្រាប់ពូជពីប្រទេសរុស្ស៊ី”។

លោក Blinken បន្ថែមថា សហរដ្ឋអាមេរិក កំពុងធ្វើការជាមួយបណ្តាប្រទេសនានា ដើម្បីជូនដំណឹងដល់ពួកគេអំពីការលើកលែងទណ្ឌកម្មរបស់សហរដ្ឋអាមេរិកប្រឆាំងនឹងប្រទេសរុស្ស៊ី ដើម្បីអនុញ្ញាតឲ្យមានលំហូរនៃផលិតផលអាហារ។

គួរបញ្ជាក់ថា អ៊ុយក្រែន​ជា​ប្រទេស​ផលិត​គ្រាប់ធញ្ញជាតិ​ពិភពលោក​ដ៏​សំខាន់ ​ដែល​មាន​ចំនួន ៩% នៃ​ការ​នាំ​ចេញ​ស្រូវសាលី​របស់​ពិភពលោក, ១៣,៥% នៃ​ពោត និង ៧០% នៃផលិតផល​ផ្កាឈូករ័ត្ន។

យោងតាមកម្មវិធីស្បៀងអាហារពិភពលោករបស់អង្គការសហប្រជាជាតិ (WFP), វិបត្តិអ៊ុយក្រែនបានបង្កឲ្យមានការឡើងថ្លៃលើអាហារសំខាន់ៗ នៅក្នុងតំបន់មជ្ឈិមបូព៌ា ដែលជាកន្លែងពឹងផ្អែកខ្លាំងលើការនាំចូល ជាហេតុធ្វើឲ្យអាហារមូលដ្ឋានឈានដល់កម្រិតលើសពីភាពងាយរងគ្រោះបំផុត៕

ប្រែសម្រួល៖ Vann Vann

ប្រភព៖ Sputnik

ចុចអាន៖ រុស្ស៊ី ពិចារណាចាកចេញពី WHO និង WTO