តុលាការអ៊ុយក្រែន ដាក់ទោសទាហានរុស្ស៊ី ជាប់គុកមួយជីវិត ពីបទសម្លាប់ជនស៊ីវិលម្នាក់ (មានវីដេអូ)

នៅឯការកាត់ក្តីឧក្រិដ្ឋកម្មសង្គ្រាមលើកដំបូងចាប់តាំងពីការលុកលុយ តុលាការក្នុងប្រទេសអ៊ុយក្រែន បានកាត់ទោសមេបញ្ជាការរថក្រោះរុស្ស៊ីម្នាក់ឲ្យជាប់គុកអស់មួយជីវិត ពីបទសម្លាប់ជនស៊ីវិលម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាហានដែលចាប់ខ្លួនបានឈ្មោះ Vadim Shishimarin ត្រូវបានកាត់ទោសពីបទសម្លាប់លោក Oleksandr Shelipov អាយុ ៦២ ឆ្នាំនៅក្នុងភូមិ Chupakhivka ភាគខាងជើងឆៀងខាងកើត ប្រទេសអ៊ុយក្រែន នៅថ្ងៃទី ២៨ ខែកុម្ភៈ។

គាត់សារភាពថា ពិតជាបានបាញ់សម្លាប់លោក Shelipov មែនប៉ុន្តែនិយាយថា គាត់បានធ្វើសកម្មភាពតាមបញ្ជាប៉ុណ្ណោះ។

ស្របពេលជាមួយគ្នានោះដែរ ឧក្រិដ្ឋកម្ម​សង្គ្រាម​ជាច្រើនករណី​ទៀត​ដែល​គេ​ចោទ​ប្រកាន់ កំពុង​​ស៊ើបអង្កេត​ដោយ​អ៊ុយក្រែន។

ក្នុងការដាក់ទោសមួយជីវិត ចៅក្រម Serhiy Agafonov បាននិយាយថា Shishimarin អាយុ ២១ ឆ្នាំបានអនុវត្តអំពើឧក្រិដ្ឋកម្ម តាមការបញ្ជាពីទាហានដែលមានឋានៈខ្ពស់ជាង។

លោកនិយាយថា “ដោយសារឧក្រិដ្ឋកម្មដែលបានប្រព្រឹត្តគឺជាឧក្រិដ្ឋកម្មប្រឆាំងនឹងសន្តិភាព សន្តិសុខ មនុស្សជាតិ និងសណ្តាប់ធ្នាប់ផ្លូវច្បាប់អន្តរជាតិ តុលាការមិនមើលឃើញលទ្ធភាពនៃការដាក់ទោសជាប់គុក រយៈពេលខ្លីជាងនេះនោះទេ”។

គួរបញ្ជាក់ថា ទីក្រុងមូស្គូតែងតែបដិសេធថា កងទ័ពរបស់ខ្លួនមិនបានកំណត់គោលដៅលើជនស៊ីវិលនោះទេ ថ្វីបើមានភស្តុតាងក៏ដោយ ហើយអ៊ុយក្រែននិយាយថា ឧក្រិដ្ឋកម្មជាង ១១ ០០០ ករណីអាចនឹងកើតឡើង៕

សូមទស្សនាវីដេអូ

ប្រែសម្រួល៖ Vann Vann

ប្រភព៖ BBC

ចុចអាន៖ នូវែលសេឡង់ បញ្ជូនទាហានទៅអង់គ្លេស ដើម្បីបង្វឹកកងទ័ព អ៊ុយក្រែន