លោក ត្រាំ ថា អាមេរិក នឹងមិនជួយការពារអង្គការណាតូទេ

អតីតប្រធានាធិបតីអាមេរិកលោក ដូណាល់ ត្រាំ និយាយថា លោកបានគំរាមសម្ព័ន្ធមិត្តអង្គការណាតូមិនឲ្យជួយប្រទេសណាមួយឡើយក្នុងករណីមានជម្លោះជាមួយរុស្ស៊ី ប្រសិនបើពួកគេនៅតែស្ទាក់ស្ទើរក្នុងការបង្កើនការចំណាយលើផ្នែកយោធា ។

លោក ត្រាំ បានប្រាប់អ្នកគាំទ្ររបស់គាត់នៅឯការប្រមូលផ្តុំកាលពីថ្ងៃសៅរ៍ក្នុងទីក្រុង Wyoming ថា “ខ្ញុំនិយាយត្រង់ ខ្ញុំមិនដូចអ្នកកាន់តំណែងមុនទេ ហើយទីក្រុងវ៉ាស៊ីនតោននឹងមិនជួយណាតូដាច់ខាត” ។ លោក ត្រាំ បាននិយាយប្រាប់ប្រទេសអ៊ឺរ៉ុបថា “អ្នកជាមនុស្សអាក្រក់ អ្នកជំពាក់ប្រាក់អង្គការណាតូរាប់ពាន់លានដុល្លារ” ។

នៅពេលដែលត្រូវបានសួរដោយសមាជិកណាតូម្នាក់ថា “ប្រសិនបើយើងត្រូវបានវាយប្រហារដោយប្រទេសរុស្ស៊ី តើអ្នកនឹងមិនការពារយើងទេឬ?” លោក ត្រាំ បានឆ្លើយថា “បាទ ត្រឹមត្រូវហើយ យើងនឹងមិនការពារអ្នកទេ” ។

ជាចុងក្រោយអតីតប្រធានាធិបតីរូបនេះបានអះអាងថា “លុយយ៉ាងច្រើនសន្ធឹកសន្ធាប់បានហូរចូលអង្គការណាតូពីសម្ព័ន្ធភាពយោធានៃសមាជិកអឺរ៉ុប ហើយគាត់ក៏បានឲ្យពួកគេបង់ប្រាក់ចំនួន ៤៣០ ពាន់លានដុល្លារទៅឲ្យអង្គការណាតូផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អ៊ុយក្រែន កំពុងរៀបចំផែនការប្រើ “អាវុធគីមី” ហើយទម្លាក់កំហុសលើ រុស្ស៊ី