ចិន នាំចេញប្រេងចម្រាញ់រាប់ពាន់តោនទៅ កូរ៉េខាងជើង

យោងតាមទិន្នន័យពីក្រុមប្រឹក្សាសន្តិសុខអង្គការសហប្រជាជាតិ (UNSC) បានឲ្យដឹងថា ប្រទេសចិនបាននាំចេញប្រេងចម្រាញ់ប្រហែល ២,៨៣៨ តោនទៅកាន់ប្រទេសកូរ៉េខាងជើងក្នុងខែមីនា និងខែមេសាឆ្នាំនេះ ។

នៅក្នុងការធ្វើបច្ចុប្បន្នភាពដែលបានបង្ហោះនៅលើគណៈកម្មាធិការដាក់ទណ្ឌកម្មរបស់ UNSC លើប្រទេសកូរ៉េខាងជើងបានបង្ហាញថា ទីក្រុងប៉េកាំងបានផ្គត់ផ្គង់ប្រេងទៅឲ្យទីក្រុងព្យុងយ៉ាង ១៥,៩៤៧ បារ៉ែល ស្មើនឹង ១,៩១៤ តោននៅក្នុងខែមីនា និងបាននាំចេញប្រេងចំនួន ៧,៦៩៥ បារ៉ែលផ្សេងទៀត ឬ ៩២៣.៨ តោនកាលពីខែមុន ។

ទន្ទឹមនោះ តួលេខសរុបនេះគឺតំណាងឲ្យប្រហែល ៥ ភាគរយនៃបរិមាណប្រេងចម្រាញ់ដែលចិនអាចផ្គត់ផ្គង់ដល់កូរ៉េខាងជើងក្នុងមួយឆ្នាំ ។

ចំណែកប្រទេសរុស្ស៊ីវិញមិនបាននាំចេញប្រេងចម្រាញ់ណាមួយទៅកាន់កូរ៉េខាងជើងនោះទេ គិតត្រឹមខែមីនាឆ្នាំនេះ ចាប់តាំងពីទីក្រុងមូស្គូបានផ្គត់ផ្គង់ប្រេងលើចុងក្រោយដល់សម្ព័ន្ធមិត្តរបស់ខ្លួនចំនួន ៣២ តោនក្នុងខែសីហា ឆ្នាំ ២០២០ ៕

ប្រែសម្រួលដោយ ៖ ជីវ័ន្ត

ប្រភព ៖ Korea Herald