ព័ត៌មានអន្ដរជាតិ

សម្តេចប៉ាប Francis ដឹកនាំធ្វើពិធីអធិដ្ឋានអន្តរជាតិដើម្បីសន្តិភាពអ៊ុយក្រែន

បានផុស

៤ years មុន

នៅ

ថ្ងៃពុធ ១ មិថុនា ២០២២

ដោយ

កាលពីថ្ងៃអង្គារ៍ ទី៣១ ខែឧសភា សម្តេចប៉ាប Francis បានដឹកនាំធ្វើពិធីអធិដ្ឋានអន្តរជាតិមួយដើម្បីសន្តិភាពនៅប្រទេសអ៊ុយក្រែន និងកន្លែងផ្សេងៗទៀតដែលរងទុក្ខដោយសង្គ្រាម ហើយព្រះអង្គគង់លើកៅរទេះរុញនៅមុខរូបសំណាកដែលជនជាតិរ៉ូមតាមប្រពៃណីភ្ជាប់ជាមួយសន្តិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចប៉ាបព្រះជន្ម៨៥វស្សាបាននិមន្តទៅកាន់ប្រាសាទ Santa Maria Maggiore ក្នុងទីក្រុងរ៉ូម និងបានអធិដ្ឋាននៅចំពោះព្រះភ័ក្ត្ររូបសំណាក់ព្រះម៉ែសន្តិភាព Mary។ សម្តេចប៉ាប Benedict XV ធ្លាប់បានដឹកនាំធ្វើពិធីបួងសួងនេះកាលពីឆ្នាំ១៩១៨ដើម្បីអង្វរដល់ព្រះជាម្ចាស់ឲ្យបញ្ឈប់សង្គ្រាមលោកលើកទី១។

ការធ្វើអធិដ្ឋាននៅទីសក្ការបូជាក្នុងប្រទេសអ៊ុយក្រែន អ៉ីរ៉ាក់ ស៊ីរី និងប្រទេសផ្សេងៗទៀតត្រូវបានភ្ជាប់ដោយវីដេអូ ហើយអ្នកកាន់សាសនាកាតូលិកទូទាំងពិភពលោកត្រូវបានស្នើឲ្យធ្វើអធិដ្ឋានក្នុងម៉ោងដំណាលគ្នា។

អ្នកចូលរួមប្រមាណ១០០នាក់ក្នុងពិធីនៅទីក្រុងរ៉ូម ក្នុងនោះមានទាំងឯកអគ្គរដ្ឋទូតអ៊ុយក្រែនប្រចាំនៅប្រទេសអ៉ីតាលី និងមនុស្សមួយចំនួនដែលស្លៀកពាក់ឈុតដែលមានពណ៌ខៀវ និងលឿងនៃទង់ជាតិអ៊ុយក្រែន។

មុនធ្វើពិធីអធិដ្ឋាន សម្តេចប៉ាប Francis បានស្នើដល់ព្រះម៉ែ Mary ដែលនៅក្នុងសាសនាគ្រឹស្តត្រូវបានគោរពថាជា «ព្រះម៉ែ ឬ Mother of God» ដើម្បីឲ្យផ្សះផ្សាដួងចិត្តដែលពោរពេញដោយហិង្សា និងការសងសឹក។

សម្តេចប៉ាប Francis ដែលបានធ្វើការអំពាវនាវជាច្រើនដងដើម្បីសន្តិភាពនៅអ៊ុយក្រែនចាប់តាំងពីរុស្ស៊ីវាយប្រហារកាលពីខែកុម្ភៈមក កំពុងមានអាពាធជង្គង់ និងគង់លើរទេះរុញរយៈពេលពីរបីសប្តាហ៍ហើយ៕

ប្រែសម្រួល៖ វីរបុត្រ
ប្រភព៖ Reuters

Related Topics:សម្ដេចប៉ាប Francis