សម្ដេចប៉ាប ថា ណាតូជាអ្នកបង្ករឿងនៅមាត់ទ្វារ រុស្ស៊ី ទើបសង្គ្រាម អ៊ុយក្រែន កើតឡើង (មានវីដេអូ)

សម្តេចប៉ាប Francis បានស្តីបន្ទោសអង្គការសន្ធិសញ្ញាអាត្លង់ទិកខាងជើង (NATO) ដែលគាំទ្រដោយសហរដ្ឋអាមេរិក ចំពោះសង្រ្គាមរុស្ស៊ី និងអ៊ុយក្រែនដែលកំពុងបន្តកើតមាន ។

សម្តេចប៉ាប Francis បាននិយាយថា អង្គការណាតូជាអ្នកបង្ករឿងនៅមាត់ទ្វាររបស់រុស្ស៊ី ទើបជានាំឲ្យលោក Vladimir Putin ចាប់ផ្តើមប្រតិបត្តិការយោធានៅអ៊ុយក្រែន ហើយរហូតមកដល់ពេលនេះព្រះអង្គក៏បានស្នើសុំជួបប្រធានាធិបតីរុស្ស៊ីរូបនេះនៅទីក្រុងមូស្គូផងដែរ ។

នៅក្នុងបទសម្ភាសន៍ជាមួយកាសែតអ៊ីតាលី Corriere Della Sera សម្តេចប៉ាប Francis បាននិយាយថា វត្តមានរបស់អង្គការណាតូនៅក្នុងបណ្តាប្រទេសជិតៗនោះកំពុងបង្ករឿងដល់ទីក្រុងមូស្គូ ហើយមិនបានជួយសម្រួលដល់ការលុកលុយនេះនោះទេ ។

ទន្ទឹមនោះសម្ដេចប៉ាប Francis ក៏បានថ្កោលទោសចំពោះភាពសាហាវឃោរឃៅនៃសង្រ្គាមនេះផងដែរ ហើយបានប្រៀបធៀបវាទៅនឹងសង្រ្គាមស៊ីវិលរបស់ប្រទេសរវ៉ាន់ដាក្នុងទសវត្សរ៍ឆ្នាំ ១៩៩០ ដែលបណ្តាលឲ្យមានការប្រល័យពូជសាសន៍លើជនជាតិភាគតិច Tutsi ។

ចាប់តាំងពីសង្រ្គាមបានចាប់ផ្តើមនៅក្នុងខែកុម្ភៈ សម្តេចប៉ាប Francis បានរិះគន់ម្តងហើយម្តងទៀតអំពីសង្រ្គាមរុស្ស៊ី និងអ៊ុយក្រែន ទោះបីជាយ៉ាងណាក៏ដោយ សម្ដេចប៉ាបបានចៀសវាងការស្តីបន្ទោសដោយផ្ទាល់ទៅលើជនជាតិរុស្ស៊ី ឬលោក Putin ចំពោះការលុកលុយយោធាពិសេសនៅអ៊ុយក្រែន ដោយលើកឡើងពីគោលនយោបាយអព្យាក្រឹតរបស់បុរីវ៉ាទីកង់គឺស្របតាមគោលនយោបាយការបរទេសរបស់ខ្លួនក្នុងការរក្សាទ្វារបើកចំហសម្រាប់ការសន្ទនាដែលអាចធ្វើទៅបាន ។

ទីក្រុង Holy See បាននិយាយថា បុរីវ៉ាទីកង់ក៏បាននឹងកំពុងស្នើសុំឲ្យមានជំនួបរវាងសម្តេចប៉ាប Francis និងលោក Putin តាំងពីពាក់កណ្តាលខែមីនាមកម្ល៉េះ ។ ពិតណាស់ យើងត្រូវការមេដឹកនាំវិមានក្រឹមឡាំង ដើម្បីបែងចែកពេលវេលា ។ យើងមិនទាន់មានការឆ្លើយតបណាមួយទេ ហើយយើងនៅតែព្យាយាម ទោះបីជាខ្ញុំខ្លាចថា Putin មិនអាច និងមិនចង់ឲ្យមានកិច្ចប្រជុំនៅពេលនេះក៏ដោយ” ។

ជាចុងក្រោយនៅក្នុងបទសម្ភាសន៍នោះលោក Francis ក៏បាននិយាយផងដែរថា លោកនឹងមិនទៅទីក្រុងកៀវនៅពេលនេះនោះទេ ។ ដំបូងខ្ញុំត្រូវទៅទីក្រុងមូស្គូដើម្បីជួបលោកពូទីន ហើយទីក្រុង Holy See នឹងបញ្ជូនអ្នកតំណាង ២ នាក់គឺលោក Cardinal Konrad Krajewski និងលោក Cardinal Michael Czerny ទៅកាន់ប្រទេសដែលត្រូវបានបំផ្លាញដោយសង្រ្គាមមួយនេះផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Op India

ចុចអាន ៖ រុស្ស៊ី ឲ្យ អាមេរិក ធ្វើតាមខ្លួន កម្ទេចឃ្លាំងស្តុកអាវុធគីមី