ព័ត៌មានជាតិ

សម្តេចប៉ាប Francis ស្នើជួបលោក ពូទីន នៅមូស្គូ តែគ្មានការឆ្លើយតប

បានផុស

៣ years មុន

នៅ

ថ្ងៃពុធ ៤ ឧសភា ២០២២

ដោយ

សម្តេចប៉ាប Francis មានបន្ទូលក្នុងបទសម្ភាសមួយចេញផ្សាយកាលពីថ្ងៃអង្គារ៍ម្សិលមិញថា ព្រះអង្គបានស្នើសុំជួបលោកប្រធានាធិបតីរុស្ស៊ី វ្លាឌីមៀរ ពូទីន ក្នុងទីក្រុងមូស្គូ ដើម្បីព្យាយាមបញ្ឈប់សង្គ្រាមនៅប្រទេសអ៊ុយក្រែន ប៉ុន្តែមិនទទួលបានការឆ្លើយតបឡើយ។

សម្តេចប៉ាបក៏បានប្រាប់កាសែតអ៉ីតាលី Corriere Della Sera ថា ព្រះវិហាររុស្ស៊ី Orthodox របស់ចៅអធិការព្រះនាម Kirill ដែលបានផ្តល់ការគាំទ្រពេញទំហឹងដល់សង្គ្រាមមិនអាចក្លាយជាអាសនៈរបស់លោក ពូទីន បានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេច Francis ដែលបានធ្វើទស្សនកិច្ចដ៏ភ្ញាក់ផ្អើលមិនធ្លាប់មានទៅកាន់ស្ថានទូតរុស្ស៊ីនៅពេលសង្គ្រាមបានផ្ទុះឡើងបានប្រាប់កាសែតថា ប្រហែលជា៣សប្តាហ៍នៃសង្គ្រាមកើតមានឡើង ព្រះអង្គបានស្នើដល់មន្ត្រីទូតកំពូលរបស់បុរីវ៉ាទីកង់ដើម្បីផ្ញើលិខិតទៅលោក ពូទីន។

ព្រះអង្គមានបន្ទួលថា លិខិតមានខ្លឹមសារថា ៖«ខ្ញុំចង់ទៅទីក្រុងមូស្គូ។ វាពិតជាសំខាន់ខ្លាំងណាស់សម្រាប់មេដឹកនាំវិមានក្រឹមឡាំងដើម្បីអនុញ្ញាតឲ្យមានការបើកចំហរមួយ។ យើងមិនទទួលបានការឆ្លើយតបវិញទេ ហើយយើងនៅតែទទួចរង់ចាំ»។

ព្រះអង្គបន្ថែមថា ៖«ខ្ញុំមានការភ័យខ្លាចថា លោក ពូទីន មិនអាច និងមិនចង់មានកិច្ចប្រជុំនៅពេលនេះ។ ប៉ុន្តែធ្វើដូចម្តេចដើម្បីអាចបញ្ឈប់អំពើឃោរឃៅបាន?

មុនពេលបទសម្ភាស សម្តេចប៉ាប Francis ព្រះជន្ម៨៥វស្សាមិនបានលើកឡើងច្បាស់ពីប្រទេសរុស្ស៊ី ឬលោក ពូទីន ជាសាធារណៈទេ ចាប់តាំងពីសង្គ្រាមបានផ្ទុះឡើងកាលពីថ្ងៃទី២៤ ខែកុម្ភៈ។ ប៉ុន្តែព្រះអង្គបានបន្សល់ទុកដាក់សង្ស័យតិចតួចចំពោះភាគីដែលព្រះអង្គបានរិះគន់ដោយការប្រើពាក្យការឈ្លានពាន និងការលុកលុយដោយអយុត្តិធម៌ ព្រមទាំងពិតជាសោកស្តាយដែលអំពើឃោរឃៅលើជនស៊ីវិល៕

ប្រែសម្រួល៖ វីរបុត្រ
ប្រភព៖ Reuters

Related Topics:សម្ដេចប៉ាប Francis