លោក Biden អាចជួប Putin តាមការសម្រេចចិត្តរបស់សម្ដេចប៉ាប Francis

អ្នកនាំពាក្យសេតវិមានលោកស្រី Jen Psaki បានប្រាប់អ្នកយកព័ត៌មានកាលពីថ្ងៃពុធថា ប្រធានាធិបតីអាមេរិកលោក Joe Biden នឹងគោរពតាមការសម្រេចចិត្តរបស់សម្តេចប៉ាប Francis ដើម្បីជួបជាមួយប្រធានាធិបតីរុស្ស៊ីលោក Vladimir Putin ។

នៅពេលសួរអំពីជំនួបដែលអាចកើតមានរវាងលោក Putin និងលោក Biden, លោកស្រី Psaki បាននិយាយនៅក្នុងសន្និសីទសារព័ត៌មានថា “ខ្ញុំមិនបានពិភាក្សារឿងនោះជាមួយលោក Biden ទេ ប៉ុន្តែខ្ញុំសង្ស័យថា លោកនឹងគោរពតាមការសម្រេចចិត្តរបស់សម្តេចប៉ាបក្នុងការធ្វើដំណើរ ឬការចូលរួមណាមួយដែលគាត់បានជ្រើសរើស” ។

កាលពីដើមសប្តាហ៍នេះ សម្តេចប៉ាបមានព្រះបន្ទូលនៅក្នុងបទសម្ភាសន៍ជាមួយសារព័ត៌មាន Corriere della Sera ថា លោកត្រៀមខ្លួនជាស្រេចដើម្បីជួបជាមួយលោក Putin នៅទីក្រុងម៉ូស្គូដើម្បីជួយដោះស្រាយជម្លោះអ៊ុយក្រែន ។

ប៉ុន្តែអ្នកនាំពាក្យវិមានក្រឹមឡាំងលោក Dmitry Peskov បាននិយាយតបថា បច្ចុប្បន្នមិនមានកិច្ចព្រមព្រៀងសម្រាប់កិច្ចប្រជុំរវាងលោក Putin និងសម្ដេចប៉ាប Francis នោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី ប្រាប់មូលហេតុមួយទៀតនៅពីក្រោយសង្គ្រាមលុកលុយលើ អ៊ុយក្រែន