ព័ត៌មានអន្ដរជាតិ
អ៊ុយក្រែន ផ្ទុះកំហឹង ក្រោយលោក Macron និយាយថា កុំធ្វើឲ្យរុស្ស៊ីអាម៉ាស់មុខ
រដ្ឋមន្ត្រីការបរទេសអ៊ុយក្រែន បានរិះគន់ប្រធានាធិបតីបារាំងលោក Emmanuel Macron បន្ទាប់ពីគាត់និយាយថា វាជារឿងសំខាន់ណាស់ ដែលរុស្ស៊ីមិនគួរត្រូវបានធ្វើឲ្យអាម៉ាស់ឡើយ ចំពោះការលុកលុយរបស់ខ្លួន។
លោក Macron និយាយថា វាជារឿងសំខាន់ដែលលោកប្រធានាធិបតី វ្ល៉ាឌីមៀរ ពូទីន មានផ្លូវចេញពីអ្វីដែលលោក Macron ហៅថាជា “កំហុសជាមូលដ្ឋាន”។
ប៉ុន្តែ លោក Dmytro Kuleba រដ្ឋមន្ត្រីការបរទេសអ៊ុយក្រែន និយាយថា សម្ព័ន្ធមិត្តនានាគួរតែ ផ្តោតការយកចិត្តទុកដាក់កាន់តែប្រសើរឡើងលើរបៀបដាក់រុស្ស៊ីនៅកន្លែងរបស់ខ្លួន ជំនួសឲ្យការធ្វើឲ្យរុស្ស៊ីអាម៉ាស់។
លោក Macron បាននិយាយម្ដងហើយម្ដងទៀតជាមួយលោក ពូទីន តាមទូរស័ព្ទ ក្នុងកិច្ចខិតខំប្រឹងប្រែងដើម្បីសម្របសម្រួលបទឈប់បាញ់ និងការចរចា។
បារាំង បានព្យាយាមរក្សាកិច្ចសន្ទនាជាមួយមេដឹកនាំវិមានក្រឹមឡាំង ផ្ទុយពីជំហររបស់អាមេរិក និងអង់គ្លេស។
រដ្ឋមន្ត្រីការបរទេស លោក Kuleba បាននិយាយក្នុងការបង្ហោះ Twitter ថា “តាមពិត ការអំពាវនាវចៀសវាង ធ្វើឲ្យរុស្ស៊ីអាម៉ាស់មុខនេះ អាចធ្វើឲ្យបារាំង និងគ្រប់ប្រទេសផ្សេងទៀត អាម៉ាស់មុខទៅវិញទេ”។
ទីក្រុង កៀវ និយាយថា រុស្ស៊ីមិនត្រូវទទួលបានសម្បទានទឹកដីពីអ៊ុយក្រែនឡើយ ព្រោះការលុកលុយរបស់រុស្ស៊ី ត្រូវបានអន្តរជាតិថ្កោលទោសថាជាការវាយលុកដ៏ឃោរឃៅ។
គួរបញ្ជាក់ថា ទីក្រុង Severodonetsk ភាគខាងកើតប្រទេសអ៊ុយក្រែន នៅតែជាចំណុចកណ្តាលនៃការប្រយុទ្ធគ្នា ដោយកងកម្លាំងអ៊ុយក្រែនបានទប់ទល់នឹងរថក្រោះរុស្ស៊ី ទ័ពថ្មើរជើង និងការបាញ់កាំភ្លើងធំយ៉ាងខ្លាំងក្លា។
ការដណ្តើមយកទីក្រុងនេះ នឹងប្រគល់តំបន់ Luhansk ទៅឲ្យកងកម្លាំងរុស្ស៊ី និងសម្ព័ន្ធមិត្តបំបែកខ្លួនក្នុងតំបន់របស់ពួកគេ ដែលក៏គ្រប់គ្រងតំបន់ Donetsk នៅជិតនោះផងដែរ៕
ប្រែសម្រួល៖ Vann Vann
ប្រភព៖ BBC
ចុចអាន៖ The Guardian៖ រុស្ស៊ី កំពុងឈ្នះសង្គ្រាមសេដ្ឋកិច្ចលើ លោកខាងលិច
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត