ព័ត៌មានអន្ដរជាតិ
ជំនន់ទឹកភ្លៀងនៅហ្វីលីពីនសម្លាប់មនុស្ស ៨ នាក់ និងរាប់ពាន់នាក់ជម្លៀសចេញពីផ្ទះ
អាជ្ញាធរហ្វីលីពីនបាននិយាយកាលពីថ្ងៃអាទិត្យថា មនុស្សជិត ១ ម៉ឺននាក់ត្រូវបានជម្លៀសចេញពីផ្ទះរបស់ពួកគេនៅភាគពាយព្យនៃប្រទេសហ្វីលីពីនដោយសារមានភ្លៀងធ្លាក់ខ្លាំងនៅទូទាំងប្រទេសដែលបណ្តាលឲ្យមនុស្សយ៉ាងតិច ៨ នាក់បានស្លាប់ ។
ជំនន់ទឹកភ្លៀងដែលបានជន់លិចភូមិ និងបំផ្លាញផ្ទះជាច្រើនខ្នងក្នុងប៉ុន្មានថ្ងៃថ្មីៗនេះគឺជាការវាយប្រហារចុងក្រោយបង្អស់ដែលប៉ះពាល់ដល់ប្រជុំកោះដែលងាយរងគ្រោះដោយសារគ្រោះមហន្តរាយធម្មជាតិមួយនេះ ។
មន្ត្រីការពារជនស៊ីវិលប្រចាំតំបន់លោក Francis Joseph Reyes បាននិយាយថា ទឹកជំនន់បានឈានដល់ជម្រៅត្រឹមចង្កេះនៅក្នុងទីប្រជុំជនចំនួន ១៤ នៅជ្រលងភ្នំ Cagayan នៅភាគឦសាននៃកោះ Luzon ហើយបង្ខំឲ្យមនុស្សជិត ១ ម៉ឺននាក់ស្វែងរកទីជម្រកនៅក្នុងមណ្ឌលសង្គ្រោះបន្ទាន់ ។
លោក Reyes បាននិយាយថា ទឹកភ្លៀងដែលបង្កឡើងដោយខ្យល់មូសុងភាគឦសានក៏បានធ្វើឲ្យទំនប់វារីអគ្គិសនី Magat ជិតដល់កម្រិតធ្ងន់ធ្ងរ ហើយការបញ្ចេញទឹកក៏កំពុងគំរាមកំហែងពីការកើនឡើងទឹកជំនន់កាន់តែធ្ងន់ធ្ងរថែមទៀតផងដែរ ។
ក្រុមអាជ្ញាធរបាននិយាយថា យ៉ាងហោចណាស់មនុស្ស ៦ នាក់បានលង់ទឹកស្លាប់នៅក្នុងខេត្តចំនួន ២ នៅលើកោះ Mindanao ភាគខាងត្បូងដែលរងការវាយប្រហារដោយភ្លៀងយ៉ាងខ្លាំងនៅប៉ុន្មានថ្ងៃថ្មីៗនេះ ហើយស្ត្រីវ័យចំណាស់ ២ នាក់ផ្សេងទៀតក៏ត្រូវបានសម្លាប់ផងដែរដោយការរអិលបាក់ដីដែលបណ្តាលមកពីភ្លៀងធ្លាក់ខ្លាំងកាលពីថ្ងៃសៅរ៍នៅភាគកណ្តាលនៃខេត្ត Leyte ។
ប្រទេសហ្វីលីពីនរងការវាយប្រហារដោយខ្យល់ព្យុះ និងព្យុះទីហ្វុងជាមធ្យម ២០ ជារៀងរាល់ឆ្នាំដែលជាធម្មតាបំផ្លាញផលដំណាំ ផ្ទះសម្បែង និងហេដ្ឋារចនាសម្ព័ន្ធក្នុងតំបន់ក្រីក្រ ហើយយ៉ាងហោចណាស់មានមនុស្ស ១៤៨ នាក់ត្រូវបានសម្លាប់ដោយសារព្យុះទីហ្វុងក្នុងប៉ុន្មានខែថ្មីៗនេះ ខណៈផ្ទះសម្បែងរាប់រយរាប់ពាន់ខ្នងក៏ត្រូវបានបំផ្លាញផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ យប់នេះមានបាតុភូតមហាកម្រមួយដែលមិនធ្លាប់កើតឡើងសោះរយ:ពេលជិត ៤០០ ឆ្នាំ
ចុចអាន ៖ អង់គ្លេសរកឃើញសញ្ញាណជំងឺកូវីដប្រភេទថ្មីដែលអាចចម្លងកាន់តែលឿន
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានអន្ដរជាតិ១១ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ