ព័ត៌មានអន្ដរជាតិ
ដូណាល់ ត្រាំ ត្រូវចោទប្រកាន់ពីបទ “ប៉ុនប៉ងធ្វើរដ្ឋប្រហារ”
អំឡុងសវនាការសាធារណៈលើកដំបូងរបស់ខ្លួន គណៈកម្មាធិការពិសេសរបស់រដ្ឋសភាអាមេរិកស្តីពីការស៊ើបអង្កេតទៅលើការបះបោរបានប្រកាសថា អតីតប្រធានាធិបតីអាមេរិក ដូណាល់ ត្រាំ ត្រូវបានចោទប្រកាន់ពីបទ “ប៉ុនប៉ងធ្វើរដ្ឋប្រហារ” ពាក់ព័ន្ធការរៀបចំកុបកម្មនៅវិមានសភា Capitol Hill កាលពីថ្ងៃទី៦ខែមករា ឆ្នាំ២០២១។
កាលពីយប់ថ្ងៃព្រហស្បតិ៍ទី០៩ខែមិថុនា សមាជិកក្រុមប្រឹក្សាពីររូបបានថ្លែងសុន្ទរកថាបើក ដោយបង្ហាញការរកឃើញក្នុងការស៊ើបអង្កេតរយៈពេលមួយឆ្នាំរបស់ខ្លួន រួមទាំងសម្ភារដែលគេមិនធ្លាប់ឃើញក្នុងព្រឹត្តិការណ៍នោះផងដែរ។
ក្រុមប្រឹក្សា ដែលរួមមានសមាជិកសភាគណបក្សប្រជាធិបតេយ្យចំនួនប្រាំពីររូប និងគណបក្សសាធារណរដ្ឋពីររូប ក៏បានកោះហៅសាក្សីពីរនាក់ រួមទាំងលោកស្រី Caroline Edwards ជាមន្ត្រីប៉ូលិសដំបូង ដែលរងរបួសក្នុងការវាយប្រហារនោះផងដែរ។
លោកស្រី Edwards បានផ្តល់សក្ខីកម្មថា លោកស្រីត្រូវបានក្រុមកុបករហៅថាជា “ជនក្បត់” និងជា “សត្វឆ្កែ” មុនពេលលោកស្រីសន្លប់។
នេះគឺជាសវនាការមួយ ក្នុងចំណោមស៊េរីនៃសវនាការ ដែលនឹងត្រូវចាក់ផ្សាយពេញមួយខែ ដើម្បីបង្ហាញដល់សាធារណជន នូវអ្វីដែលអ្នកស៊ើបអង្កេតបានរកឃើញអំពីកុបកម្មនៅវិមានសភា Capitol Hill។
អ្នកប្រជាធិបតេយ្យ លោក Bennie Thompson ដែលជាប្រធានគណៈកម្មាធិការពិសេសបានប្រាប់សវនាការថា “ថ្ងៃទី៦ខែមករា គឺជាចំណុចកំពូលនៃការប៉ុនប៉ងធ្វើរដ្ឋប្រហារ, ជាការប៉ុនប៉ងដ៏ក្លាហាន ដើម្បីផ្តួលរំលំរដ្ឋាភិបាល។ អំពើហិង្សាមិនមែនជាឧប្បត្តិហេតុទេ។ វាគឺជាជំហរចុងក្រោយរបស់លោក ត្រាំ”។
ស្របពេលជាមួយគ្នានោះ វីដេអូនៃសក្ខីកម្មរបស់អតីតអគ្គមេធាវីអាមេរិក លោក Bill Barr ក៏ត្រូវបានចាក់ផ្សាយផងដែរ ដែលក្នុងនោះលោកបាននិយាយថា ការអះអាងរបស់លោក ត្រាំ ដែលថា ការបោះឆ្នោតប្រធានាធិបតីឆ្នាំ២០២០ត្រូវបានគេលួចនោះ គឺ “គ្មានមូលដ្ឋានឡើយ”។
គួររម្លឹកឡើងវិញថា នៅថ្ងៃទី៦ខែមករាឆ្នាំ២០២១ មនុស្សរាប់ពាន់នាក់ ដែលភាគច្រើនជាអ្នកគាំទ្រលោក ត្រាំ បានសម្រុកចូលវិមានសភា Capitol ក្នុងទីក្រុង Washington, D.C. ហើយបានរំខានដល់សម័យប្រជុំរួមរបស់សភា ក្នុងដំណើរការបញ្ជាក់លទ្ធផលបោះឆ្នោតប្រធានាធិបតីឆ្នាំ២០២០។
ប៉ូលិសប្រហែល ១៤០ នាក់ត្រូវបានវាយដំក្នុងហេតុការណ៍នោះ។ អាជ្ញាធរក៏បានភ្ជាប់ការស្លាប់មនុស្ស ៥នាក់ទៅនឹងការធ្វើទុក្ខបុកម្នេញនោះផងដែរ។ មន្ត្រីបួននាក់ដែលឆ្លើយតបនឹងការវាយប្រហារនោះ ត្រូវបានរាយការណ៍ថា បានធ្វើអត្តឃាតក្នុងរយៈពេលប៉ុន្មានខែបន្ទាប់៕
ប្រែសម្រួល៖ Vann Vann
ប្រភព៖ BBC
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ