សង្គ្រាមអ៊ុយក្រែន ធ្វើឲ្យ អាមេរិក រកទីបញ្ចប់មិនឃើញ យ៉ាប់ជាងសង្គ្រាម វៀតណាម ទៅទៀត

អតីតរដ្ឋមន្ត្រីការបរទេសអាមេរិកលោក Henry Kissinger បានបង្ហាញទស្សនៈរបស់លោកអំពីវិបត្តិអ៊ុយក្រែន និងប្រតិបត្តិការយោធាពិសេសដែលកំពុងបន្តរបស់រុស្ស៊ីថា បច្ចុប្បន្នសហរដ្ឋអាមេរិកកំពុងរកទីបញ្ចប់មិនទាន់ឃើញឡើយក្នុងសង្គ្រាមរុស្ស៊ី-អ៊ុយក្រែន ។

លោក Henry Kissinger ជាអ្នកភូមិសាស្ត្រនយោបាយដែលឈានចូលវ័យ ៩៩ ឆ្នាំនៅថ្ងៃទី ២៧ ខែឧសភាបានអះអាងថា ឥឡូវនេះអាមេរិកកំពុងបែកបាក់ និងរកទីបញ្ចប់មិនទាន់ឃើញ ពោលយ៉ាប់ជាងនៅសម័យសង្រ្គាមវៀតណាម ឆ្នាំ ១៩៥៥ ដល់ ១៩៧៥ ទៅទៀត ។

នៅឯវេទិកាសេដ្ឋកិច្ចពិភពលោក (WEF) នៅទីក្រុងដាវ៉ូស លោកបានស្នើថា វាដល់ពេលហើយសម្រាប់ទីក្រុងកៀវ ដើម្បីគិតអំពីដំណោះស្រាយការទូតនៃជម្លោះបច្ចុប្បន្ន ទោះបីជាក្នុងន័យសម្បទានទឹកដីក៏ដោយ ។

គួរបញ្ជាក់ថា លោក Henry Kissinger ជាអតីតរដ្ឋមន្ត្រីការបរទេសអាមេរិក អំឡុងសម័យប្រធានាធិបតីលោក Richard Nixon និងលោក Gerald Ford ចន្លោះឆ្នាំ ១៩៧៣ ដល់ឆ្នាំ ១៩៧៧ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី បាញ់កម្ទេចទីតាំងទាហានស៊ីឈ្នួលបរទេសនៅ អ៊ុយក្រែន ស្លាប់ ១៧០ នាក់