Connect with us

ព័ត៌មានអន្ដរជាតិ

លោក ស៊ី ប្រាប់លោក ពូទីន ថា ចិននឹងបន្តគាំទ្ររុស្ស៊ី លើ បញ្ហាអធិបតេយ្យភាព និងសន្តិសុខ (មានវីដេអូ)

បានផុស

នៅ

ប្រធានាធិបតីចិន លោក ស៊ី ជីនពីង បានប្រាប់សមភាគីរុស្ស៊ីលោក វ្ល៉ាឌីមៀរ ពូទីន នៅក្នុងការហៅទូរស័ព្ទកាលពីថ្ងៃពុធទី១៥ខែមិថុនាថា ទីក្រុងប៉េកាំង នឹងបន្តគាំទ្រទីក្រុងមូស្គូលើ បញ្ហាអធិបតេយ្យភាព និងសន្តិសុខ។

លោក វ្ល៉ាឌីមៀរ ពូទីន (ឆ្វេង) និងលោក លោក ស៊ី ជីនពីង
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍រដ្ឋចិន CCTV បានរាយការណ៍ថា ប្រទេសចិនមានឆន្ទៈ បន្តផ្តល់ការគាំទ្រទៅវិញទៅមកដល់ប្រទេសរុស្ស៊ី លើបញ្ហាទាក់ទងនឹងផលប្រយោជន៍ស្នូល និងកង្វល់សំខាន់ៗដូចជាអធិបតេយ្យភាព និងសន្តិសុខ ជាដើម។

នេះគឺជាការហៅទូរស័ព្ទលើកទីពីរហើយ រវាងមេដឹកនាំទាំងពីរ ចាប់តាំងពីលោកពូទីនបានបើកការវាយលុកលើប្រទេសអ៊ុយក្រែន នៅថ្ងៃទី២៤ខែកុម្ភៈ។

យោងតាមទូរទស្សន៍ CCTV, លោក ស៊ី បានសរសើរសន្ទុះដ៏ល្អនៃការអភិវឌ្ឍន៍ នៅក្នុងទំនាក់ទំនងទ្វេភាគីចាប់តាំងពីដើមឆ្នាំនេះមក ថ្វីបើពិភពលោកប្រឈមមុខនឹងភាពចលាចល និងការផ្លាស់ប្តូរក៏ដោយ។

លោក ស៊ី និយាយថា ទីក្រុងប៉េកាំងមានឆន្ទៈក្នុងការ បង្កើនកិច្ចសម្របសម្រួលជាយុទ្ធសាស្រ្តរវាងប្រទេសទាំងពីរ។ លោកបានបន្ថែមថា ប្រទេសចិន បានត្រៀមខ្លួនរួចជាស្រេចដើម្បី ពង្រឹងទំនាក់ទំនង និងការសម្របសម្រួលជាមួយរុស្ស៊ីនៅក្នុងអង្គការអន្តរជាតិ ហើយជំរុញឲ្យមានសណ្តាប់ធ្នាប់អន្តរជាតិ និងអភិបាលកិច្ចពិភពលោកឆ្ពោះទៅរកការអភិវឌ្ឍន៍កាន់តែត្រឹមត្រូវ និងសមហេតុផល។

គួរបញ្ជាក់ថា ប្រទេសចិន បានបដិសេធថ្កោលទោសការលុកលុយរបស់ទីក្រុងមូស្គូ លើអ៊ុយក្រែន ហើយរងការចោទប្រកាន់ថា មានការបិទបាំងផ្នែកការទូតជាមួយរុស្ស៊ី ដោយស្តីបន្ទោសទណ្ឌកម្មរបស់លោកខាងលិច និងការលក់អាវុធដល់ទីក្រុងកៀវ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ AFP

ចុចអាន៖ អាមេរិក បន្ទោសចិន ហើយគាំទ្រការអះអាងដែលថា ច្រកសមុទ្រតៃវ៉ាន់ ជាដែនទឹកអន្តរជាតិ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ឯកឧត្តម ឃួង ស្រេង ផ្ញើសារគោរពជូនពរ លោកជំទាវ កិត្តិសង្គហបណ្ឌិត ម៉ែន សំអន ក្នុងឱកាសចម្រើនជន្មាយុគម្រប់ ៦៩ ឈានចូល ៧០ឆ្នាំ

ជីវិតកម្សាន្ដ៨ ម៉ោង មុន

តួស្រីក្នុងរឿង “បុព្វេសន្និវាស” Prang សង្ស័យបែកគ្នា ក្រោយឃើញមិត្តប្រុសបង្ហោះសារចម្លែក

វប្បធម៌ ជំនឿ៩ ម៉ោង មុន

យល់សប្ដិឃើញឆ្មាកើតកូន ជាប្រផ្នូលល្អឬអាក្រក់?

ព័ត៌មានអន្ដរជាតិ១០ ម៉ោង មុន

តៃវ៉ាន់ កំពុងអភិវឌ្ឍន៍យន្តហោះដ្រូនមានប្រសិទ្ធភាពដូច អ៊ុយក្រែន ប្រើទប់ រុស្ស៊ី

ជីវិតកម្សាន្ដ១១ ម៉ោង មុន

កាន់គ្រីស្ទាន ២៥ ឆ្នាំ ពេជ្រ សោភា ប្រាប់មូលហេតុធ្វើសប្បុរសធម៌ មិនដែលចែកចាយ​លើ​បណ្ដាញសង្គម

Sokha Hotels

ព័ត៌មានពេញនិយម