ព័ត៌មានអន្ដរជាតិ
អាមេរិក បន្ទោសចិន ហើយគាំទ្រការអះអាងដែលថា ច្រកសមុទ្រតៃវ៉ាន់ ជាដែនទឹកអន្តរជាតិ
សហរដ្ឋអាមេរិកកាលពីថ្ងៃអង្គារទី១៤ខែមិថុនា បានគាំទ្រការអះអាងរបស់តៃវ៉ាន់ដែលថា ច្រកសមុទ្រដែលបែងចែកកោះនេះ ពីចិនដីគោក គឺជាផ្លូវទឹកអន្តរជាតិ។ នេះគឺជាការស្តីបន្ទោសបន្ថែមទៀត ចំពោះការទាមទាររបស់ទីក្រុងប៉េកាំង នូវអធិបតេយ្យភាពលើផ្លូវឆ្លងកាត់ជាយុទ្ធសាស្ត្រ។
ច្រកសមុទ្រតៃវ៉ាន់ គឺជាប្រភពនៃភាពតានតឹងផ្នែកយោធា ចាប់តាំងពីរដ្ឋាភិបាលនៃសាធារណរដ្ឋចិន បានភៀសខ្លួនទៅកោះតៃវ៉ាន់ក្នុងឆ្នាំ១៩៤៩ បន្ទាប់ពីចាញ់សង្រ្គាមស៊ីវិលជាមួយពួកកុម្មុយនិស្ត ដែលបានបង្កើតសាធារណរដ្ឋប្រជាមានិតចិន។
ក្នុងរយៈពេលប៉ុន្មានឆ្នាំថ្មីៗនេះ នាវាចម្បាំងអាមេរិក និងនាវាមកពីប្រទេសសម្ព័ន្ធមិត្តដូចជា អង់គ្លេស និងកាណាដា បានធ្វើដំណើរឆ្លងកាត់ច្រកសមុទ្រ ដែលបណ្តាលឲ្យទីក្រុងប៉េកាំង ខឹងសម្បាយ៉ាងខ្លាំង។
កាលពីថ្ងៃចន្ទ ក្រសួងការបរទេសចិន និយាយថា ប្រទេសនេះមានអធិបតេយ្យភាព សិទ្ធិអធិបតេយ្យ និងយុត្តាធិការលើច្រកសមុទ្រតៃវ៉ាន់ ហើយបានហៅវាថាជាការអះអាងមិនពិត នៅពេលដែលប្រទេសមួយចំនួនហៅច្រកសមុទ្រតៃវ៉ាន់ថាជា “ដែនទឹកអន្តរជាតិ”។
ថ្លែងកាលពីថ្ងៃអង្គារ អ្នកនាំពាក្យក្រសួងការបរទេសអាមេរិក លោក Ned Price បាននិយាយតាមអ៊ីមែលទៅកាន់ Reuters ថា “ច្រកសមុទ្រតៃវ៉ាន់ គឺជាផ្លូវទឹកអន្តរជាតិ មានន័យថា ច្រកសមុទ្រតៃវ៉ាន់ គឺជាតំបន់ ដែលត្រូវបានធានានៅក្រោមច្បាប់អន្តរជាតិ”។
លោក Price បន្ថែមថា “ពិភពលោកមានចំណាប់អារម្មណ៍យ៉ាងខ្ជាប់ខ្ជួនចំពោះសន្តិភាព និងស្ថិរភាពនៅច្រកសមុទ្រតៃវ៉ាន់ ហើយយើងចាត់ទុកកោះនេះ ជាចំណុចកណ្តាលនៃសន្តិសុខ និងវិបុលភាពនៃតំបន់ឥណ្ឌូប៉ាស៊ីហ្វិកកាន់តែទូលំទូលាយ”។
ស្របពេលជាមួយគ្នានោះដែរ លោកបានរំលឹកឡើងវិញនូវ ការព្រួយបារម្ភរបស់សហរដ្ឋអាមេរិកអំពី សកម្មភាពវោហាសាស្ត្រ និងបង្ខិតបង្ខំរបស់ចិនទាក់ទងនឹងតៃវ៉ាន់ ហើយបាននិយាយថា សហរដ្ឋអាមេរិកនឹងបន្តហោះហើរ ធ្វើនាវាចរណ៍ និងប្រតិបត្តិការនៅគ្រប់ទីកន្លែងដែលច្បាប់អន្តរជាតិអនុញ្ញាត ហើយនោះរួមបញ្ចូលទាំងការឆ្លងកាត់ច្រកសមុទ្រតៃវ៉ាន់ផងដែរ៕
ប្រែសម្រួល៖ Vann Vann
ប្រភព៖ CNA
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល