Connect with us

ព័ត៌មានអន្ដរជាតិ

តើអ្នកដឹងទេ? មួយនាទី ពិភពលោកចំណាយប្រាក់ ១៥៦ ៨៤២ដុល្លារ លើអាវុធ នុយក្លេអ៊ែរ

បានផុស

នៅ

ការចំណាយលើអាវុធបរមាណូជាសកល មានការកើនឡើងគួរឲ្យកត់សម្គាល់ក្នុងឆ្នាំ២០២១។ នេះបើយោងតាមរបាយការណ៍ចុងក្រោយបង្អស់ របស់យុទ្ធនាការអន្តរជាតិដើម្បីលុបបំបាត់អាវុធនុយក្លេអ៊ែរ (ICAN) ដែលបានចេញផ្សាយកាលពីដើមសប្តាហ៍។

តាមការប៉ាន់ស្មានរបស់ ICAN, ក្នុងរយៈពេលត្រឹមតែមួយឆ្នាំប៉ុណ្ណោះ ប្រទេសដែលមានអាវុធនុយក្លេអ៊ែរចំនួនប្រាំបួន ដូចជាសហរដ្ឋអាមេរិក ចិន រុស្ស៊ី បារាំង ឥណ្ឌា អ៊ីស្រាអែល កូរ៉េខាងជើង ប៉ាគីស្ថាន និងចក្រភពអង់គ្លេស បានចំណាយប្រាក់សរុប ៨២.៤ ពាន់លានដុល្លារ លើការធ្វើទំនើបកម្ម និងថែទាំអាវុធនុយក្លេអ៊ែរ ដែលគេប៉ាន់ស្មានថាមានចំនួន ១៣ ០០០គ្រាប់ ពោលគឺការចំណាយ បានកើនឡើង ៩% បើធៀបនឹងឆ្នាំមុន។ 

នេះជារបាយការណ៍សង្ខេបប្រចាំឆ្នាំទីបីហើយរបស់ ICAN នៃការចំណាយលើអាវុធនុយក្លេអ៊ែរជាសកល។

របាយការណ៍មានចំណងជើងថា “Squandered: 2021 Global Nuclear Weapons Spending” បានគូសបញ្ជាក់ថា សរុបមក ពិភពលោកបានចំណាយសរុប ១៥៦ ៨៤២ដុល្លារ រៀងរាល់មួយនាទីនៃឆ្នាំ២០២១ លើអាវុធប្រល័យលោក ចំពេលមានជំងឺរាតត្បាតកំពុងបន្ត និងការកើនឡើងនៃអសន្តិសុខស្បៀងអាហារជាសកល។

ICAN ក៏បានរៀបរាប់លម្អិតផងដែរអំពីចំនួនប្រទេសនីមួយៗក្នុងចំណោមប្រទេសទាំងប្រាំបួន ដែលបានចំណាយលើអាវុធបរមាណូ។

សហរដ្ឋអាមេរិកបានក្លាយជាអ្នកចំណាយធំបំផុតលើអាវុធនុយក្លេអ៊ែរនៅឆ្នាំ ២០២១ ដោយបានចំណាយទឹកប្រាក់ ៤៤.២ ពាន់លានដុល្លារ ពោលគឺច្រើនជាង ៤ដង បើធៀបជាមួយប្រទេសនៅបន្តបន្ទាប់៤ទៀត។

ចំណែកចិន គឺជាប្រទេសតែមួយគត់ ក្នុងចំណោមប្រទេសមាននុយក្លេអ៊ែរ៨ផ្សេងទៀត ដែលចំណាយលើស១០ពាន់លានដុល្លារ ពោលគឺចិន ចំណាយចំនួន ១១.៧ ពាន់លានដុល្លារ ខណៈ រុស្ស៊ីឈរនៅចំណាត់ថ្នាក់លេខ៣ ចំណាយចំនួន ៨.៦ពាន់លានដុល្លារ។

ដោយឡែក ចក្រភពអង់គ្លេសបានចំណាយចំនួន ៦.៨ ពាន់លានដុល្លារ, បារាំង ចំណាយ ៥.៩ ពាន់លានដុល្លារ ខណៈឥណ្ឌា អ៊ីស្រាអែល និងប៉ាគីស្ថាន បានចំណាយជាងមួយពាន់លានដុល្លារលើឃ្លាំងអាវុធរបស់ពួកគេនៅឆ្នាំ២០២១។

ចុងក្រោយគឺប្រទេសកូរ៉េខាងជើង ដែលបានចំណាយទឹកប្រាក់ចំនួន ៦៤២លានដុល្លារ៕

ប្រែសម្រួល៖ Vann Vann

ប្រភព៖ RT

ចុចអាន៖ ពិភពលោក កំពុងឆ្ពោះទៅរក យុគសម័យថ្មីនៃអាវុធនុយក្លេអ៊ែរ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៤ នាទី មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ២ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ២ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៥ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៦ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម