ព័ត៌មានអន្ដរជាតិ

ស្ងាត់ៗ អតីតកីឡាការិនីកាយសម្ព័ន្ធ រុស្សី ធ្លាប់មានរឿងអាស្រូវជាមួយ ពូទីន បង្ហាញមុខជាសាធារណៈ

បានផុស

២ years មុន

នៅ

ថ្ងៃអាទិត្យ ១៩ មិថុនា ២០២២

ដោយ

អតីតកីឡាការិនីកាយសម្ព័ន្ធរុស្សី Alina Kabaeva ដែលធ្លាប់មានរឿងអាស្រូវជាមួយលោក ពូទីន បានបង្ហាញខ្លួនជាសាធារណៈ នៅចំពោះមុខអ្នកសារព័ត៌មាន ដើម្បីស្រាយមន្ទិលដែលថា នាងបានបាត់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបាត់ខ្លួនរបស់កីឡាករនីរូបនេះ គឺចាប់តាំងពីខែមេសាមក រហូតធ្វើឲ្យប្រព័ន្ធផ្សព្វផ្សាយបានបានចោតសួរថា នាង Kabaeva អាចនឹងបាត់ខ្លួនពិតមែន។ ខណៈមានពាក្យចចាមអារ៉ាមរវាងនាង និងលោកពូទីន ថា មានទំនាក់ទំនងស្នេហាលួចលាក់ជាមួយគ្នា។

ប៉ុន្តែកាលពីពេលថ្មីៗនេះ អតីតអ្នកហាត់កាយសម្ព័ន្ធវ័យ ៣៩ ឆ្នាំរូបនេះ ស្រាប់តែបង្ហាញខ្លួនឡើងមក ដោយរូបនាងកំពុងថតកម្មវិធីទូរទស្សន៍នៅស្រុកកំណើត និងថតភាពយន្តឯកសារស្ដីពីយោធា ស្នេហាជាតិ នៅឯជុំរុំហ្វឹកហាត់កាយសម្ព័ន្ធក្នុងទីក្រុង Sochi ដែលមានកុមារ និងយុវជនចំនួន ២៨ នាក់ ក្នុងពិធីរំលឹកវិញ្ញាណក្ខន្ធអ្នកដែលបានបាត់បង់ជីវិតក្នុងអំឡុងសង្គ្រាមលោកលើកទី ២។

យ៉ាងណាមិញ ចំពេលជម្លោះដែលកំពុងបន្តរវាងរុស្ស៊ី និងអ៊ុយក្រែន Kabaeva ត្រូវបានរដ្ឋាភិបាលអង់គ្លេសដាក់ទណ្ឌកម្មកាលពីខែមុន និងតាមពីក្រោយដោយកាណាដា រួមទាំងបណ្ដាប្រទេសសហភាពអឺរ៉ុបជាច្រើន ព្រោះគេជឿថានាងពិតជាជំទាវទីមួយដោយសម្ងាត់។

សូមបញ្ចាក់ថា នាង Alina Cabeva គឺជាអ្នកហាត់កាយសម្ព័ន្ធនារី ដែលទទួលបានជោគជ័យបំផុតរបស់ប្រទេស និងល្បីល្បាញបំផុតក្នុងកីឡាកាយសម្ព័ន្ធចង្វាក់ ដោយឈ្នះមេដាយចំនួនពីរក្នុងព្រឹត្តិការណ៍អូឡាំពិក។ នាងក៏បានឈ្នះជើងឯកពិភពលោកចំនួន ៩ និងជើងឯកអឺរ៉ុបចំនួន ១៥ផងដែរ៕

សូមទស្សនាវីដេអូខាងក្រោមនេះ៖

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖លោក Zelensky ចុះដល់ទីតាំងកងទ័ពជួរមុខនៅភាគខាងត្បូង អ៊ុយក្រែន