Connect with us

ព័ត៌មានអន្ដរជាតិ

អ៊ុយក្រែន ប្តេជ្ញាយក ប៉ែល ទៅប្រយុទ្ធជាមួយរុស្ស៊ី បើលោកខាងលិច មិនផ្តល់អាវុធ

បានផុស

នៅ

“​បើ​យើង​មិន​មាន​អាវុធ​ទេ​ យើងនឹងប្រយុទ្ធជាមួយប៉ែល។ ប៉ុន្តែ​យើង​នឹង​បន្ត​ការ​ពារ​ខ្លួន​ឯង​ព្រោះ​នេះ​ជា​សង្រ្គាម​សម្រាប់​អត្ថិភាព​របស់​យើង”។​ នេះបើតាមសម្តីរបស់រដ្ឋមន្ត្រីការបរទេសអ៊ុយក្រែនលោក Dmytro Kuleba ថ្លែង​ក្នុង​បទ​សម្ភាសន៍ ​ជាមួយ​ទូរទស្សន៍ ARD។

រដ្ឋមន្ត្រីការបរទេសអ៊ុយក្រែនលោក Dmytro Kuleba

លោកបន្ថែមថា “​កាលណា​យើង​ទទួល​បាន​អាវុធ​ឆាប់ ​ពួកគេ​បញ្ជូន​មក​កាន់​តែ​ឆាប់ នោះ​ពួកគេ​នឹង​ធ្វើ​ឲ្យ​យើង​កាន់តែ​ល្អ​។ ប្រសិន​បើ​ពួកគេ​មក​យឺត យើង​នឹង​នៅ​តែ​អរគុណ​អ្នក ប៉ុន្តែ​វា​នឹង ​ខ្ជះខ្ជាយពេលវេលា ហើយ​មនុស្ស​ជា​ច្រើន​នឹង​ស្លាប់​នៅ​ពេល​នោះ”។

លោក​បាន​ថ្លែង​សុន្ទរកថាបែបនេះ ​ក្នុង​អំឡុងកិច្ចសន្ទនា​ ​ជាមួយ​នឹង​ពិធីការិនី​កម្មវិធី​ជជែក​ពិភាក្សា​នយោបាយ​លោកស្រី Anne Will។

លោក Kuleba និយាយថា នៅ Donbass កាំភ្លើងធំរបស់រុស្សីមានចំនួនលើសកាំភ្លើងធំរបស់អ៊ុយក្រែន ១៥ទល់នឹង១។ ទីក្រុង​កៀវ មិន​អាច​ឈ្នះ​ដោយ​អតុល្យភាព​នៃ​អំណាច​បែប​នេះ​ទេ។

លោកអះអាងថា អ្នកនយោបាយលោកខាងលិចណា ដែលជឿថាទីក្រុង កៀវ គួរតែធ្វើសម្បទានដល់រុស្ស៊ី និងយល់ព្រមដោះស្រាយជម្លោះដោយកិច្ចព្រមព្រៀងសន្តិភាព ព្រោះស្ថានការណ៍ដ៏អាក្រក់នៅលើសមរភូមិនោះ គឺជាការគិតខុសហើយ។

គួរបញ្ជាក់ថា អ៊ុយក្រែន ជាប្រទេស​នៅ​សល់​ឃ្លាំង​​យោធា​ធំ​ៗមួយ​ចំនួន ​ក្នុង​ចំណោម​អតីត​សាធារណរដ្ឋ​សូវៀត​ទាំងឡាយ នៅ​ពេល​សហភាព​សូវៀតដួលរលំ។ ប៉ុន្តែឥឡូវនេះ អ៊ុយក្រែននិយាយថា ខ្លួនបានបាត់បង់រហូតដល់ពាក់កណ្តាលនៃអាវុធធុនធ្ងន់របស់ខ្លួន ដែលកំពុងប្រយុទ្ធជាមួយរុស្ស៊ី និងកងកម្លាំងសម្ព័ន្ធមិត្តនៅបូព៌ា។

ទីក្រុងកៀវ ​កំពុង​អង្វរ​លោក​ខាង​លិច​ឲ្យ​ផ្តល់​កាំភ្លើង​ធំ រថក្រោះ និង​យន្តហោះ​ចម្បាំង ប៉ុន្តែ​ ​ទទួលបាន​តែ​មួយ​ផ្នែក​ប៉ុណ្ណោះ​នៃ​អ្វី​ដែល​ពួកគេ​ស្នើសុំ។ សម្ព័ន្ធមិត្តរបស់អ៊ុយក្រែននិយាយថា ពួកគេបារម្ភថា ទីក្រុងមូស្គូអាចយល់ឃើញថា ការចែកចាយសព្វាវុធ ជាការបង្កើនភាពតានតឹងយ៉ាងធ្ងន់ធ្ងរ ហើយទីក្រុងមូស្គូអាចនឹងចាត់ទុកអ្នកផ្គត់ផ្គង់ថាជាផ្នែកនៃអរិភាព៕

ប្រែសម្រួល៖ Vann Vann

ប្រភព៖ Fars News

ចុចអាន៖ រុស្ស៊ី ថា EU ចង់ឲ្យ អ៊ុយក្រែន ចូលជាសមាជិកព្រោះ ទីក្រុងវ៉ាស៊ីនតោន និង ព្រុចសែល ចង់ឲ្យមានអរិភាព ជាបន្ត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម