Connect with us

ព័ត៌មានអន្ដរជាតិ

រុស្ស៊ី លែងទុកចិត្តលោកខាងលិចទៀតហើយ ជាពិសេស អាមេរិក

បានផុស

នៅ

អ្នកនាំពាក្យវិមានក្រឹមឡាំងលោក Dmitry Peskov បាននិយាយថា វិបត្តិអ៊ុយក្រែននឹងក្លាយជាជម្លោះយូរអង្វែង ហើយរុស្ស៊ីនឹងលែងទុកចិត្តលោកខាងលិចទៀតហើយ ជាពិសេសសហរដ្ឋអាមេរិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
លោក Dmitry Peskov

នៅក្នុងបទសម្ភាសន៍ជាមួយទូរទស្សន៍ NBC ដែលចាក់ផ្សាយកាលពីថ្ងៃចន្ទ និងត្រូវបានសួរថាតើជម្លោះអ៊ុយក្រែនពិតជានឹងអូសបន្លាយពេលយូរអង្វែងមែនទេ លោក Peskov បាននិយាយថា “បាទ វានឹងជាវិបត្តិយូរអង្វែង ហើយយើងនឹងមិនជឿទុកចិត្តលើលោកខាងលិចទៀតទេ” ។

ទាក់ទងនឹងបញ្ហានេះដែរ ឯកអគ្គរដ្ឋទូតរុស្ស៊ីប្រចាំនៅអាមេរិកលោក Anatoly Antonov ធ្លាប់បាននិយាយថា កិច្ចសន្ទនារវាងទីក្រុងវ៉ាស៊ីនតោន និងទីក្រុងមូស្គូបានឈានដល់ការជាប់គាំង ហើយទំនាក់ទំនងទ្វេភាគីដែលធ្លាប់មានយ៉ាងជ្រៅក្នុងរយៈពេលប៉ុន្មានឆ្នាំកន្លងមកនេះ បច្ចុប្បន្នបានឈានដល់ចំណុចសូន្យ ។

លោក Antonov ក៏ធ្លាប់បានកត់សម្គាល់ដែរថា ការសន្ទនានយោបាយរវាងប្រជាជាតិទាំងពីរបានឈានដល់កម្រិតទាបបំផុតមិនធ្លាប់មានពីមុនមក ហើយការជឿទុកចិត្តនោះត្រូវបានបំផ្លាញ ។ លោកជឿជាក់ថា នៅពេលនេះ កិច្ចសហប្រតិបត្តិការកំពុងត្រូវបានបំផ្លាញ សូម្បីតែលើបញ្ហាមួយចំនួនដែលជាផលប្រយោជន៍ទៅវិញទៅមកក៏ដោយ ។

ចាប់តាំងពីថ្ងៃទី ២៤ ខែកុម្ភៈមក រុស្ស៊ីបាននិងកំពុងធ្វើប្រតិបត្តិការយោធាពិសេសមួយដើម្បីកម្ទេច និងកម្ចាត់តំបន់គ្មានយោធាអ៊ុយក្រែន ខណៈប្រធានាធិបតី វ្ល៉ាឌីមៀ ពូទីន បាននិយាយថា គោលដៅនៃប្រតិបត្តិការនេះគឺ “ការការពារមនុស្សដែលត្រូវបានទទួលរងនូវការរំលោភបំពាន និងការប្រល័យពូជសាសន៍ដោយទីក្រុងកៀវអស់រយៈពេល ៨ ឆ្នាំកន្លងមកនេះ ក៏ដូចជាការរំដោះតំបន់ Donbass ទាំងស្រុងផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មកដឹងចំនួនទាហានស៊ីឈ្នួលស្លាប់ និងកំពុងប្រយុទ្ធឲ្យ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម