លោក Zelensky ប្ដេជ្ញាយកទីក្រុងធ្លាក់ក្នុងកណ្ដាប់ដៃ រុស្ស៊ី ទាំងអស់មកវិញ

ប្រធានាធិបតីអ៊ុយក្រែនលោក Volodymyr Zelensky បានប្តេជ្ញាថានឹងយកឈ្នះ ក៏ដូចជាដណ្ដើមបានទីក្រុងទាំងអស់ដែលកងកម្លាំងរុស្ស៊ីគ្រប់គ្រងមកវិញ បន្ទាប់ពីទីក្រុងយុទ្ធសាស្ត្រ Severodonetsk ភាគខាងកើតត្រូវបានកាន់កាប់ទាំងស្រុងដោយរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្ដេជ្ញារបស់លោក Zelensky កើតឡើង បន្ទាប់ពីប្រព័ន្ធរ៉ុក្កែតកាំភ្លើងធំចល័តខ្ពស់ HIMARS ដែលផ្គត់ផ្គង់ដោយសហរដ្ឋអាមេរិក ឥឡូវនេះត្រូវបានដាក់ពង្រាយ និងវាយប្រហារគោលដៅនានានៅតំបន់ដែលកាន់កាប់ដោយរុស្ស៊ីនៅក្នុងប្រទេស ។

ទោះយ៉ាងណាលោកក៏បានទទួលស្គាល់ផងដែរថា កងកម្លាំងរុស្សីបាននឹងកំពុងវាយសម្រុកទៅមុខលើទីក្រុង Severodonetsk និងទីក្រុងឆ្លងកាត់ទន្លេ Lysychansk ក្នុងគោលបំណងដើម្បីគ្រប់គ្រងទាំងស្រុងនៃតំបន់ Luhansk ភាគខាងកើតបំផុត ។

លោក Zelenskyy បាននិយាយកាលពីថ្ងៃអាទិត្យថា ក្នុងរយៈពេលតែកន្លះថ្ងៃប៉ុណ្ណោះ កាំជ្រួចមីស៊ីលរុស្ស៊ីចំនួន ៤៥ គ្រាប់បានវាយប្រហារតំបន់ធំៗ រួមទាំងតំបន់ភាគខាងជើង ភាគខាងត្បូង និងភាគខាងលិចនៃប្រទេសរបស់លោក ។

ជាចុងក្រោយលោកប្រធានាធិបតី Zelenskyy ក៏​បាន​អំពាវនាវ​ឲ្យ​បង្កើនការដាក់​ទណ្ឌកម្ម​ប្រឆាំង​នឹងប្រទេស​រុស្ស៊ី ក៏ដូចជាឲ្យ​ពន្លឿន​ជំនួយ​យោធា​ពី​លោកខាងលិចផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ្នកចង់ចុះឈ្មោះចូលប្រយុទ្ធឲ្យ រុស្ស៊ី នៅ អ៊ុយក្រែន ត្រូវធ្វើតាមលក្ខខណ្ឌ ៣ យ៉ាងនេះ