Connect with us

ព័ត៌មានអន្ដរជាតិ

កូរ៉េខាងជើង ចោទអាមេរិក ថា កំពុងបង្កើត ណាតូអាស៊ី (មានវីដេអូ)

បានផុស

នៅ

ប្រទេសកូរ៉េខាងជើង បានចោទប្រកាន់សហរដ្ឋអាមេរិកថា កំពុងបង្កើតសម្ព័ន្ធមិត្តយោធា ដូចជាអង្គការណាតូ នៅក្នុងតំបន់អាស៊ី ហើយនិយាយថា គោលបំណងឥតងាករេរបស់សហរដ្ឋអាមេរិក ក្នុងការបណ្តេញរដ្ឋាភិបាលកូរ៉េខាងជើង បានបង្ខំឲ្យប្រទេសនេះ អភិវឌ្ឍការការពារកាន់តែខ្លាំង។

ការរិះគន់របស់កូរ៉េខាងជើង បានកើតឡើងចំពេលមានការព្រួយបារម្ភថា ខ្លួនអាចនឹងរៀបចំការធ្វើតេស្តនុយក្លេអ៊ែរជាលើកដំបូង ក្នុងរយៈពេល៥ឆ្នាំ និងកើតឡើង បន្ទាប់ពីកិច្ចព្រមព្រៀងនាពេលថ្មីៗនេះរវាងប្រធានាធិបតីកូរ៉េខាងត្បូង លោក Yoon Suk-yeol និងប្រធានាធិបតីអាមេរិកលោក Joe Biden ក្នុងការពង្រាយអាវុធអាមេរិកបន្ថែមទៀត ប្រសិនបើចាត់ទុកថាចាំបាច់ដើម្បីរារាំងកូរ៉េខាងជើង។

ក្រសួងការបរទេសកូរ៉េខាងជើង បាននិយាយនៅក្នុងសេចក្តីថ្លែងការណ៍លើគេហទំព័ររបស់ខ្លួនកាលពីថ្ងៃអាទិត្យទី២៦ខែមិថុនាថា “ខណៈពេលកំពុងធ្វើសមយុទ្ធយោធារួមគ្នាជាមួយជប៉ុន និងកូរ៉េខាងត្បូងដោយឥតលាក់លៀម, សហរដ្ឋអាមេរិកកំពុងធ្វើសកម្មភាពយ៉ាងពេញលេញ ដើម្បីបង្កើតអង្គការណាតូតាមបែបអាស៊ី”។

កូរ៉េខាងជើងនិយាយបែបនេះ ដោយសំដៅទៅលើសមយុទ្ធយោធានាពេលថ្មីៗ ដែលធ្វើឡើងដោយកងកម្លាំងអាមេរិក កូរ៉េខាងត្បូង និងជប៉ុន។ សហរដ្ឋអាមេរិកក៏បានធ្វើសមយុទ្ធជាមួយកងកម្លាំងកូរ៉េខាងត្បូង ដែលមានការចូលរួមពីនាវាផ្ទុកយន្តហោះអាមេរិកជាលើកដំបូងក្នុងរយៈពេលជាង៤ឆ្នាំ ផងដែរ។

ប្រទេសកូរ៉េខាងជើង ដែលធ្វើការសាកល្បងមីស៊ីលជាទៀងទាត់ក្នុងឆ្នាំនេះ បានអះអាងម្តងហើយម្តងទៀតថា សមយុទ្ធបែបនេះគឺជាការត្រៀមលក្ខណៈសម្រាប់សង្រ្គាមក្នុងគោលបំណងផ្តួលរំលំខ្លួន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ JP

ចុចអាន៖ ព្រមានមិនឲ្យបាញ់មីស៊ីល ពេលនេះ កូរ៉េខាងជើង ប្តូរមកបាញ់កាំភ្លើងធំម្តង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៦ នាទី មុន

ពលរដ្ឋនៅខណ្ឌព្រែកព្នៅ បាត់កិច្ចសន្យាទិញលក់ដីធ្លី និងផ្ទះសម្បែងច្បាប់ដើម ១ កន្លែង និងមិនទទួលខុសត្រូវចំពោះអ្នករើសបានយកទៅប្រើប្រាស់ខុសច្បាប់

សេចក្ដីជូនដំណឹង១៧ នាទី មុន

សាខាក្រុមហ៊ុន ថៃ សាមសុង អេឡិចត្រូនិក ប្រចាំប្រទេសកម្ពុជា ផ្ដល់ការគាំទ្រយ៉ាងមុតមាំដល់កីឡាតេក្វាន់ដូ

ព័ត៌មានអន្ដរជាតិ៣៦ នាទី មុន

រុស្ស៊ី បញ្ជាឲ្យយោធាបង្កើនប្រតិបត្តិការខ្លាំងឡើងៗនៅ អ៊ុយក្រែន

ព័ត៌មានជាតិ៤២ នាទី មុន

សន្និបាតគណបក្សប្រជាជន៖ ជោគជ័យនៃការបោះឆ្នោតឃុំសង្កាត់ ឆ្លុះបញ្ចាំងពីភាពចាស់ទុំនៃដំណើរការប្រជាធិបតេយ្យនៅកម្ពុជា

ព័ត៌មានជាតិ៤៦ នាទី មុន

ក្រៅ​ពី​សាលា​វត្ត​បូព៌ល្បី​ដល់​ក្រៅ​ប្រទេស ​ដឹង​នៅ​ក្រុង​សៀមរាប​ មាន​វិទ្យាល័យ​ប៉ុន្មាន​កន្លែង?

Sokha Hotels

ព័ត៌មានពេញនិយម