Connect with us

ព័ត៌មានអន្ដរជាតិ

តំបន់ Kaliningrad ក្លាយជាចំណុចវិបត្តិថ្មីរវាងរុស្ស៊ី និងលោកខាងលិច (មានវីដេអូ)

បានផុស

នៅ

តំបន់ Kaliningrad ដែលជាតំបន់ពាក់កណ្តាលផ្តាច់មុខរបស់រុស្ស៊ីមានទីតាំងនៅលើសមុទ្របាល់ទិក និងបំបែកចេញពីដីគោកដោយប្រទេសលីទុយអានី ឡាតវី និងបេឡារុសបានបង្កឲ្យមានវិបត្តិថ្មីមួយទៀតនៅក្នុងតំបន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តរបស់លីទុយអានីក្នុងការរារាំងការដឹកជញ្ជូនទំនិញមួយចំនួននៅក្នុងបញ្ជីទណ្ឌកម្មរបស់សហភាពអឺរ៉ុបទៅកាន់តំបន់ Kaliningrad តាមរយៈទឹកដីរបស់ខ្លួនបាននាំប្រទេសរុស្ស៊ី និងលោកខាងលិចប្រឈមមុខដាក់គ្នាម្តងទៀត ខណៈដែលសង្រ្គាមនៅអ៊ុយក្រែននៅតែបន្តផ្ទុះឡើងរយៈពេលជាង ៤ ខែមកនេះ

ស្របពេលដែលរុស្ស៊ីអាចទៅដល់តំបន់ Kaliningrad តាមរយៈផ្លូវរថភ្លើងលើប្រទេសលីទុយអានី តំបន់ដែលហ៊ុំព័ទ្ធដោយសមាជិកណាតូមួយនេះបានក្លាយទៅជាចំណុចកណ្តាលនៃការពិភាក្សាក្នុងប៉ុន្មានថ្ងៃថ្មីៗនេះ ខណៈផ្លូវរថភ្លើងភាគច្រើនរវាងរុស្ស៊ី និងតំបន់ Kaliningrad គឺឆ្លងកាត់ប្រទេសបេឡារុស និងលីទុយអានី ។

ជាតំបន់យុទ្ធសាស្ត្រ និងយោធាសម្រាប់រុស្ស៊ី, តំបន់ Kaliningrad ក៏ជាកំពង់ផែរុស្ស៊ីតែមួយគត់នៅលើសមុទ្របាល់ទិកដែលមិនមានទឹកកកពេញមួយឆ្នាំ ។ ពីមុនតំបន់ Kaliningrad គឺជាផ្នែកមួយនៃប្រទេសអាល្លឺម៉ង់រហូតដល់ចុងបញ្ចប់នៃសង្គ្រាមលោកលើកទី ២ ហើយចាប់តាំងពីពេលនោះមក វាជាខេត្តដាច់ស្រយាលរបស់រុស្ស៊ី ។

ចំណែកពាក់ព័ន្ធនឹងការរារាំងការដឹកជញ្ជូនរបស់រុស្ស៊ី, រដ្ឋមន្ត្រីការបរទេសលីទុយអានី លោក Gabrielius Landsbergis បាននិយាយកាលពីសប្តាហ៍មុនថា ទីក្រុង Vilnius មិនបានធ្វើសកម្មភាពដោយខ្លួនឯងទេ ពោលគឺធ្វើតាមការណែនាំរបស់គណៈកម្មការអឺរ៉ុបស្តីពីការដាក់ទណ្ឌកម្ម ចាប់តាំងពីថ្ងៃទី ១៧ ខែមិថុនា ។

ទន្ទឹមនោះនៅក្នុងការចុះបញ្ជីទណ្ឌកម្មដែលត្រូវបានអនុវត្តដោយប្រទេសលីទុយអានីស្ថិតនៅក្រោមការការពាររបស់អង្គការណាតូ រួមមាន ធ្យូងថ្ម លោហៈធាតុ សំណង់ និងសម្ភារៈបច្ចេកវិជ្ជាជាដើម ខណៈជាការឆ្លើយតបទីក្រុងមូស្គូក៏បានថ្កោលទោសការរឹតបន្តឹងការដឹកជញ្ជូនតាមផ្លូវដែករបស់ប្រទេសពីប្រទេសរុស្ស៊ីទៅកាន់តំបន់ Kaliningrad ផងដែរ ។

បន្ថែមពីនេះ សហរដ្ឋអាមេរិកក៏បានចូលមកគាំទ្រប្រទេសលីទុយអានីផងដែរ ហើយបានគំរាមថា ការវាយប្រហារលើសមាជិកណាតូមួយនេះគឺដូចជាការវាយប្រហារលើសម្ព័ន្ធមិត្តទាំងមូល ។

គួរបញ្ជាក់ថា សហភាព​អឺរ៉ុប​បាន​ដាក់​ទណ្ឌកម្ម​ចំនួន ៦ កញ្ចប់​ប្រឆាំង​នឹង​ក្រុង​មូស្គូ ​ចាប់​តាំង​ពី​ការ​ចាប់​ផ្តើម​សង្រ្គាម​រុស្ស៊ី​នៅ​អ៊ុយក្រែន​កាលពី​ថ្ងៃ​ទី ២៤ ខែ​កុម្ភៈ ខណៈកញ្ចប់កំណត់គោលដៅក្នុងចំណោមកញ្ចប់ទាំងនោះគឺផ្ដោតសំខាន់លើលោកប្រធានាធិបតី វ្ល៉ាឌីមៀ ពូទីន ក៏ដូចជារដ្ឋមន្ត្រីការបរទេសលោក Sergey Lavrov និងរួមបញ្ចូលទាំងការហាមឃាត់ការនាំចូលប្រេង ធ្យូងថ្ម និងការនាំចេញទំនិញប្រណីតជាដើម ហើយក៏រាប់បញ្ចូលទាំងធនាគាររុស្ស៊ី និងបេឡារុសពីការប្រើប្រាស់ប្រព័ន្ធ SWIFT អន្តរជាតិផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ប្រទេស ណាតូ មួយនេះមិនចូលរួមដាក់ទណ្ឌកម្មប្រឆាំង រុស្ស៊ី ដាច់ខាត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥១ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម