ព័ត៌មានអន្ដរជាតិ
ពលរដ្ឋ វៀតណាម ៤០០ នាក់ចាញ់បោកមកធ្វើការខុសច្បាប់នៅ កម្ពុជា ត្រូវជួយសង្គ្រោះត្រឡប់ទៅវិញ
អាជ្ញាធរវៀតណាម និងកម្ពុជា បានសហការគ្នាបញ្ជូនពលរដ្ឋវៀតណាម ៤០០ នាក់ដែលត្រូវបានបោកបញ្ឆោតលក់មកកម្ពុជាត្រឡប់ទៅស្រុកកំណើតវិញ ខណៈមកទល់ពេលនេះអាជ្ញាធរទាំងពីរក៏បានធ្វើការរួមគ្នាដើម្បីផ្ទៀងផ្ទាត់ករណីដែលជនជាតិវៀតណាមត្រូវបានក្រុមជួញដូរមនុស្សនាំមកកម្ពុជាផងដែរ ។
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បានប្រាប់សារព័ត៌មានកាលពីថ្ងៃអាទិត្យថា បន្ទាប់ពីមានកិច្ចសហការគ្នានេះ ជនជាតិវៀតណាមជិត ៤០០ នាក់ត្រូវបានជួយសង្គ្រោះ និងនាំយកមកកាន់ប្រទេសកំណើតវិញ ។
មួយរយៈចុងក្រោយនេះមានជនជាតិវៀតណាមជាច្រើនត្រូវបានបោកបញ្ឆោតឲ្យមកធ្វើការនៅកម្ពុជា ហើយក្នុងករណីភាគច្រើននៃការជួញដូរទាំងនោះបានផ្សព្វផ្សាយនៅលើបណ្ដាញសង្គម Facebook រួមជាមួយកម្មវិធីផ្ញើសារ និងហៅទូរសព្ទរបស់វៀតណាមឈ្មោះ Zalo ដោយផ្តោតលើមនុស្សគ្រប់អាយុធ្វើការ ប៉ុន្តែមិនមានការងារច្បាស់លាស់ ដោយបានសន្យាថានឹងមានការងារធ្វើបានប្រាក់ខែរហូតដល់ខ្ទង់រាប់ពាន់ដុល្លារ ។
ជាធម្មតា ជនរងគ្រោះត្រូវបានរត់ពន្ធចូលមកកម្ពុជាជាលក្ខណៈក្រៅផ្លូវការ ហើយត្រូវបានបញ្ជូនទៅធ្វើការនៅក្រុមហ៊ុនបរទេស ហើយម្ចាស់ក្រុមហ៊ុនបានស្នើបុគ្គលិកវៀតណាមរបស់ពួកគេឲ្យបង្កើតគណនីប្រព័ន្ធផ្សព្វផ្សាយសង្គមផ្សេងៗដែលក្លែងបន្លំជាគេហទំព័រពាណិជ្ជកម្ម ឬវេទិកាវិនិយោគហិរញ្ញវត្ថុដើម្បីប្លន់អតិថិជនដោយគ្មានការសង្ស័យ ។
ទន្ទឹមនោះ បើមានកម្មករវៀតណាមណាម្នាក់មិនព្រមធ្វើតាម ពួកគេនឹងរងការវាយដុំ ក៏ដូចជាបង្អត់អាហារជាដើម ខណៈក្នុងករណីផ្សេងទៀត អ្នករត់ពន្ធមកកម្ពុជារួមមានស្ត្រីវ័យក្មេងត្រូវបានបង្ខំឲ្យធ្វើជាស្ត្រីពេស្យាចារ ។
ស្របពេលជាមួយគ្នានេះ ជនរងគ្រោះបានប្រាប់ប៉ូលិសថា អ្នកណាដែលចង់ត្រឡប់ទៅប្រទេសវៀតណាមវិញត្រូវតែទាក់ទងក្រុមគ្រួសាររបស់ពួកគេជាមុនសិន ហើយបង់ប្រាក់ធានាក្នុងចន្លោះប្រហែល ៨០ ទៅ ១០០ លានដុង (៣,៤៤៦ ដុល្លារ) ៕
ប្រែសម្រួលដោយ ៖ ជីវ័ន្ត
ប្រភព ៖ VNExpress
ចុចអាន ៖ ប្រុងប្រយ័ត្ន! ប្រទេសជាប់ កម្ពុជា រកឃើញ អូមីក្រុង ពូជថ្មីដែលល្បីឆ្លងកាន់ តែខ្លាំង
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore