ព័ត៌មានអន្ដរជាតិ

រលំអគារនៅឥណ្ឌាសម្លាប់មនុស្សហោចណាស់១៩នាក់

បានផុស

៣ years មុន

នៅ

ថ្ងៃពុធ ២៩ មិថុនា ២០២២

ដោយ

ហោចណាស់មនុស្ស១៩នាក់ត្រូវបានសម្លាប់ក្នុងការបាក់រលំអគារកម្ពស់៤ជាន់មួយកន្លែងនៅក្នុងទីក្រុងពាណិជ្ជកម្មឥណ្ឌា Mumbai កាលពីយប់ថ្ងៃចន្ទ ទី២៧ ខែមិថុនានេះ។

មន្ត្រីមូលដ្ឋានបាននិយាយថា សំណង់ដែលមានទីតាំងនៅភាគកណ្តាលទីក្រុងបានដូលរលំនៅពាក់កណ្តាលយប់ថ្ងៃចន្ទឈានចូលថ្ងៃអង្គារ។ មនុស្ស៤នាក់ត្រូវបានជួយសង្គ្រោះកាលពីល្ងាចថ្ងៃអង្គារ៍ ហើយក្រុមរុករកបានយកសព១៩ចេញពីគំនរបាក់បែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យកម្លាំងឆ្លើយតបគ្រោះមហន្តរាយជាតិម្នាក់បាននិយាយថា ៖«ការរុករក និងការជួយសង្គ្រោះនៅបន្តដំណើរការ» ប៉ុន្តែការរុករកជួបការលំបាកដោយសារភ្លៀងធ្លាក់ខ្លាំង។

អាជ្ញាធរក្រុងបាននិយាយថា ហោចណាស់៦នាក់ក្នុងចំណោមជនរងគ្រោះដែលបានបាត់បង់ជីវិតគឺអាយុចន្លោះ១៨ឆ្នាំ និង២១ឆ្នាំ។

ភ្លៀងមូសុងធ្លាក់ខ្លាំងចាប់ពីខែមិថុនា ដល់ខែកញ្ញាដែលបានធ្វើឲ្យការដួលរលំអគារមិនមែនជារឿងចម្លែកនៅប្រទេសឥណ្ឌាក្នុងរយៈពេលនេះ៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសឥណ្ឌា