ព័ត៌មានអន្ដរជាតិ
អ៊ុយក្រែន ថា ការដណ្ដើមយកតំបន់ Luhansk ជាជ័យជម្នះចុងក្រោយរបស់ រុស្ស៊ី
លោក Oleksiy Arestovych ទីប្រឹក្សារបស់ប្រធានការិយាល័យប្រធានាធិបតីអ៊ុយក្រែនបាននិយាយថា ការដណ្តើមកាន់កាប់តំបន់ Luhansk របស់រដ្ឋាភិបាលទីក្រុងមូស្គូគឺជា “ជ័យជម្នះចុងក្រោយសម្រាប់រុស្ស៊ីនៅលើទឹកដីអ៊ុយក្រែន” ។
លោក Arestovych បាននិយាយនៅក្នុងការបង្ហោះតាមអ៊ីនធឺណិតថា “ទាំងនេះគឺជាទីក្រុងដែលមានទំហំមធ្យមប៉ុណ្ណោះ ។ រុស្ស៊ីបានចំណាយពេលរហូតដល់ ៩០ ថ្ងៃ ពោលចាប់ពីថ្ងៃទី ៤ ខែមេសា ដល់ថ្ងៃទី ៤ ខែកក្កដា ហើយក៏មានការខាតបង់ច្រើនសន្ធឹកសន្ធាប់ផងដែរ” ។
លោក Arestovych បញ្ជាក់ថា ក្រៅពីសមរភូមិសម្រាប់តំបន់ Donetsk, អ៊ុយក្រែនក៏ត្រៀមនឹងចាប់ផ្តើមការវាយលុកតបទៅកងកម្លាំងរុស្ស៊ីនៅភាគខាងត្បូងនៃប្រទេសផងដែរ ។
លោកបាននិយាយថា “ការដណ្តើមយកទីក្រុងនានានៅភាគខាងកើត មានន័យថា ៦០ ភាគរយទៅហើយនៃកងកម្លាំងរុស្ស៊ីបានប្រមូលផ្តុំគ្នានៅទីនោះ ហើយរុស្ស៊ីនឹងពិបាកសម្រាប់ការប្តូរទិសទៅភាគខាងត្បូង” ។
ជាចុងក្រោយលោក Arestovych សង្ឃឹមថា “កងកម្លាំងរុស្ស៊ីនឹងមិនអាចចូលតំបន់ភាគខាងត្បូងបានទៀតទេ ដោយសារតែពួកគេបានចំណាយប្រាក់យ៉ាងច្រើនសម្រាប់ការវាយប្រហារទីក្រុង Severodonetsk និង Lysychansk ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ