Connect with us

ព័ត៌មានអន្ដរជាតិ

ស្រីលង្កា ដាក់ប្រទេសក្នុងភាព​អាសន្នគ្មានពេលកំណត់

បានផុស

នៅ

ប្រទេសស្រីលង្កាដែលកំពុងរងគ្រោះដោយវិបត្តិសេដ្ឋកិច្ចបានប្រកាសដាក់ប្រទេសក្នុងភាពអាសន្នគ្មានពេលកំណត់នៅថ្ងៃពុធនេះ ពោលប៉ុន្មានម៉ោង បន្ទាប់ពីប្រធានាធិបតីលោក Gotabaya Rajapaksa បានភៀសខ្លួនចេញពីប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dinouk Colombage អ្នកនាំពាក្យរបស់នាយករដ្ឋមន្ត្រីលោក Ranil Wickremesinghe បានប្រាប់សារព័ត៌មាន AFP ថា “ចាប់តាំងពីប្រធានាធិបតីចេញពីប្រទេស ស្ថានភាពអាសន្នត្រូវបានប្រកាសនៅទូទាំងស្រីលង្កា ដើម្បីដោះស្រាយស្ថានការណ៍ដែលកំពុងកើតមាននៅក្នុងប្រទេស” ។

ទន្ទឹមនោះប៉ូលិសក៏កំពុងដាក់បម្រាមគោចរមិនកំណត់នៅទូទាំងខេត្ត Western Province ដែលរួមមានទាំងរដ្ឋធានីកូឡុំបូផងដែរ ដើម្បីទប់ស្កាត់ការតវ៉ាដែលកំពុងកើនឡើង បន្ទាប់ពីលោក Rajapaksa បានហោះហើរទៅកាន់ប្រទេសម៉ាល់ឌីវតាមយន្តហោះយោធា ។

ស្របពេលជាមួយគ្នានេះ បាតុកររាប់ពាន់នាក់ក៏បានប្រមូលផ្តុំគ្នានៅការិយាល័យនាយករដ្ឋមន្ត្រី ខណៈប៉ូលិសត្រូវបង្ខំចិត្តបាញ់ឧស្ម័នបង្ហូរទឹកភ្នែក ដើម្បីរារាំងពួកគេពីការវាយលុកបរិវេណនោះ ។

មន្ត្រីប៉ូលិសជាន់ខ្ពស់ម្នាក់បានប្រាប់ AFP ថា “មានការតវ៉ាជាបន្តបន្ទាប់នៅខាងក្រៅការិយាល័យនាយករដ្ឋមន្ត្រីនៅទីក្រុងកូឡុំបូ ហើយយើងត្រូវការបម្រាមគោចរដើម្បីទប់ស្កាត់ស្ថានការណ៍បែបនេះ” ។

គួរបញ្ជាក់ថា មនុស្សរាប់ម៉ឺននាក់បានអុកឡុកលំនៅដ្ឋានផ្លូវការរបស់លោក Rajapaksa កាលពីថ្ងៃសៅរ៍ ដោយបង្ខំឲ្យប្រធានាធិបតីរូបនេះរត់គេចខ្លួនទៅកាន់មូលដ្ឋានយោធាមួយកន្លែង ហើយក្រោយមកបានភៀសខ្លួនចេញពីប្រទេសតែម្ដង ៕

ប្រែសម្រួលដោយ ៖ ជីវ័ន្ត

ប្រភព ៖ NDTV

ចុចអាន ៖ ប្រធានាធិបតី ស្រីលង្កា ភៀសខ្លួនចេញពីប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ២៨ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤៤ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម