ព័ត៌មានអន្ដរជាតិ
ប្រធានាធិបតីស្រីលង្កា ភៀសខ្លួនចេញពីប្រទេស
ប្រធានាធិបតីស្រីលង្កា លោក Gotabaya Rajapaksa បានភៀសខ្លួនចេញពីប្រទេស តាមយន្តហោះយោធា ចំពេលមានការតវ៉ាដ៏ធំ ជុំវិញវិបត្តិសេដ្ឋកិច្ចរបស់ប្រទេស។
បុរសវ័យ ៧៣ ឆ្នាំរូបនេះ បានទៅដល់រដ្ឋធានី ម៉ាល របស់ប្រទេស ម៉ាល់ឌីវ នៅម៉ោងប្រហែល ០៣:០០ (ម៉ោង២២:០០ ម៉ោងនៅកម្ពុជា)។
ការចាកចេញរបស់លោក Rajapaksa បានបញ្ចប់រាជវង្សមួយ ដែលគ្រប់គ្រងប្រទេសស្រីលង្កាអស់រយៈពេលជាច្រើនទសវត្សរ៍ មកហើយ។
លោកបានលាក់ខ្លួន បន្ទាប់ពីហ្វូងមនុស្ស សម្រុកចូលលំនៅដ្ឋានរបស់លោកកាលពីថ្ងៃសៅរ៍។ ខណៈលោកប្រធានាធិបតីបានសន្យាថា នឹងលាលែងពីតំណែងនៅថ្ងៃពុធទី ១៣ ខែកក្កដានេះ។
ប្រភពបានប្រាប់ BBC ថា ប្អូនប្រុសរបស់លោក គឺអតីតរដ្ឋមន្ត្រីក្រសួងហិរញ្ញវត្ថុ Basil Rajapaksa ក៏បានចាកចេញពីប្រទេសផងដែរដោយគេថា គាត់នឹងទៅសហរដ្ឋអាមេរិក។
ព័ត៌មាននៃការចាកចេញរបស់ប្រធានាធិបតី បានបង្កឲ្យមានការអបអរក្នុងចំណោមបាតុករនៅ Galle Face Green ដែលជាទីតាំងតវ៉ាដ៏សំខាន់ ក្នុងរដ្ឋធានី កូឡុំបូ។
កាលពីល្ងាចថ្ងៃអង្គារ មានមនុស្សរាប់ពាន់នាក់រួចទៅហើយ បានប្រមូលផ្តុំគ្នានៅឯឧទ្យាននេះ ដោយរង់ចាំការលាលែងពីតំណែងរបស់ប្រធានាធិបតី។
ប្រជាជនស្រីលង្កា បានស្តីបន្ទោសរដ្ឋបាលរបស់លោកប្រធានាធិបតី Rajapaksa ចំពោះវិបត្តិសេដ្ឋកិច្ចដ៏អាក្រក់បំផុតរបស់ពួកគេ ក្នុងរយៈពេលជាច្រើនទសវត្សរ៍។
ជាច្រើនខែ ពួកគេបានជួបបញ្ហាជាមួយនឹងការដាច់ចរន្តអគ្គិសនីប្រចាំថ្ងៃ និងកង្វះខាតសម្ភារមូលដ្ឋាន ដូចជាប្រេងឥន្ធនៈ អាហារ និងថ្នាំពេទ្យ ជាដើម។
គេជឿថា មេដឹកនាំដែលមានអភ័យឯកសិទ្ធិពីការកាត់ទោសនៅពេលលោកជាប្រធានាធិបតី គឺចង់ភៀសខ្លួនទៅក្រៅប្រទេសមុនពេលចុះចេញពីតំណែង ដើម្បីចៀសវាងលទ្ធភាពនៃការចាប់ខ្លួន ដោយរដ្ឋបាលថ្មី៕
ប្រែសម្រួល៖ Vann Vann
ប្រភព៖ BBC
ចុចអាន៖ ស្រីលង្កា សុំឲ្យលោក ពូទីន ជួយទិញប្រេងឥន្ធនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ