ថៃ ចាប់បាន មេខ្លោង ​ជួញ​ដូរ​មនុស្សឆ្លងដែន ​មកធ្វើ​ការ​ក្នុង​ក្រុមជម្រិតទារប្រាក់តាមទូរស័ព្ទនៅ​ ​កម្ពុជា

បុរស​ជនជាតិ​ចិន​ម្នាក់ ​ដែលគេតាមចាប់ខ្លួន ករណី​ជួញ​ដូរ​ជនជាតិ​ចិន​ឆ្លងដែន​ទៅ​ធ្វើ​ការ​ក្នុង​ក្រុមជម្រិតទារប្រាក់តាមទូរស័ព្ទនៅ​ប្រទេស​ឡាវ និង​កម្ពុជា ត្រូវ​បាន​ចាប់​ខ្លួន​នៅ​អាកាសយានដ្ឋាន​សុវណ្ណភូមិ ​ទីក្រុង​បាងកក កាល​ពី​ថ្ងៃ​សៅរ៍ទី២៣ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេប៉ូលិស Suwat Chaengyordsook បានទទួលទូរស័ព្ទកាលពីថ្ងៃសុក្រ ទី២២ខែកក្កដា ដោយព្រមានថា ជនជាតិចិនដែលប៉ូលិសអន្តរជាតិ Interpol កំពុងតាមចាប់ខ្លួនបំផុត នឹងធ្វើដំណើរទៅកាន់អាកាសយានដ្ឋានសុវណ្ណភូមិក្នុងទីក្រុងបាងកក នៅថ្ងៃបន្ទាប់។

លោក Zhou Dawei ត្រូវបានគេប្រកាសតាមចាប់ខ្លួននៅក្នុងប្រទេសចិន ក្រោមការសង្ស័យជាមេខ្លោងជួញដូរមនុស្សក្នុងនិងក្រៅប្រទេស។

លោក Dawei ត្រូវ​​ប៉ូលិស​ថៃ​ចាប់​ខ្លួន ​ពេល​គាត់​មក​ដល់​ទីក្រុង​បាងកកនៅ​ថ្ងៃ​សៅរ៍ ហើយ​ត្រូវ​បាន​សួរ​ចម្លើយ​នៅ​មជ្ឈមណ្ឌល​ឃុំឃាំង​អាកាសយានដ្ឋាន​សុវណ្ណភូមិ។ លោក Dawei ​សារភាព​ថា ​បាន​នាំ​ជនជាតិ​ចិន​ចូល​ទៅ​ក្នុង​ប្រទេស​ឡាវ​និង​កម្ពុជា ​ដើម្បី​ធ្វើ​ការ​នៅ​ក្នុង​ក្រុមជម្រិតទារប្រាក់តាមទូរស័ព្ទ។

អាជ្ញាធរ​ចិន​បាន​ប្រាប់​ប៉ូលិស​ថៃ​ថា លិខិតឆ្លងដែន​របស់ Dawei ត្រូវ​បាន​ដកហូត​រួច​ហើយ ហើយ​បាន​ស្នើ​ឲ្យ​និរទេស​គាត់​ត្រឡប់​ទៅ​ប្រទេស​ចិន​វិញ ​ដើម្បី​កាត់ទោស។

ប៉ូលិសថៃ បានដាក់លោក Dawei ក្នុងជើងហោះហើរ CZ 3082 របស់ក្រុមហ៊ុនអាកាសចរណ៍ China Southern Airlines ឆ្ពោះទៅកាន់ទីក្រុង Guangzhou នៅម៉ោង ៥ ល្ងាច ថ្ងៃទី២៥ខែកក្កដា៕

ប្រែសម្រួល៖ Vann Vann

ប្រភព៖ Sanook

ចុចអាន៖ ថៃ បញ្ជាក់ គ្មានគម្រោង នាំយកបុរសនីហ្សេរីយ៉ា កើតអុតស្វា ទៅប្រទេសវិញទេ