Connect with us

ព័ត៌មានអន្ដរជាតិ

ហ្វីលីពីន បង្ហាញចំនួនអ្នកស្លាប់ និងរបួស ក្រោយរងការរញ្ជួយដីខ្លាំងក្លា (មានវីដេអូ)

បានផុស

នៅ

គ្រោះរញ្ជួយដីដ៏ខ្លាំងក្លាកម្រិត ៧.១រ៉ិចទ័រ ក្នុងជម្រៅរាក់ ១០ គីឡូម៉ែត្រ បានវាយប្រហារកោះ Luzon របស់ប្រទេសហ្វីលីពីន នៅថ្ងៃពុធទី២៧ខែកក្កដានេះ ដោយសម្លាប់មនុស្សចំនួន៤នាក់ របួស៦០នាក់ និងបំផ្លាញអគារនានាក្នុងខេត្ត Abra ភាគខាងជើង ហើយក៏ធ្វើឲ្យរង្គើដល់រដ្ឋធានី ម៉ានីល ផងដែរ។

រដ្ឋលេខាធិការក្រសួងមហាផ្ទៃ Benjamin Abalos បានប្រាប់សន្និសីទសារព័ត៌មានតាមទូរទស្សន៍ថា មនុស្ស២នាក់បានស្លាប់នៅក្នុងខេត្ត Benguet, ម្នាក់នៅខេត្ត Abra និងម្នាក់ទៀតនៅខេត្តមួយទៀត។

ក្នុងចំណោមអ្នកស្លាប់ មានបុរសអាយុ២៥ឆ្នាំម្នាក់ ដែលត្រូវបំណែកថ្មបាក់សង្កត់លើ ពេលការរញ្ជួយ បានវាយប្រហារ នៅចម្ងាយប្រហែល១១គីឡូម៉ែត្រភាគអាគ្នេយ៍ទីក្រុង Dolores។

លោកប្រធានាធិបតី Ferdinand Marcos Jr បានបង្ហោះលើ Facebook ថា “ទោះបីជាមានរបាយការណ៍ដ៏ក្រៀមក្រំអំពីការខូចខាត ដែលបណ្តាលមកពីការរញ្ជួយដីក៏ដោយ យើងកំពុងធានាថា មានការឆ្លើយតបយ៉ាងឆាប់រហ័សចំពោះអ្នកដែលត្រូវការ និងរងផលប៉ះពាល់ដោយគ្រោះមហន្តរាយនេះ”។

ក្រុមមន្ត្រីបាននិយាយថា មនុស្សក្នុងមន្ទីរពេទ្យមួយនៅខេត្ត Abra ត្រូវបានជម្លៀសចេញ បន្ទាប់ពីអគារ បានបាក់មួយផ្នែក ប៉ុន្តែមិនមានអ្នកស្លាប់ទេនៅទីនោះ។

គួរបញ្ជាក់ថា ប្រទេសហ្វីលីពីន ងាយនឹងជួបគ្រោះមហន្តរាយធម្មជាតិណាស់ ដោយសារតែស្ថិតនៅលើខ្សែក្រវាត់ប៉ាស៊ីហ្វិក Ring of Fire។ ការរញ្ជួយដី កើតឡើងជាញឹកញាប់ ហើយជាមធ្យមមានព្យុះទីហ្វុងចំនួន ២០ក្នុងមួយឆ្នាំៗ ដែលខ្លះបង្កឲ្យមានការរអិលបាក់ដី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ រញ្ជួយដី រង្គើទីក្រុង មែលប៊ន ទាំងព្រឹក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ២០ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣៣ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤៧ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ១ ម៉ោង មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម