ព័ត៌មានអន្ដរជាតិ
ទៅដល់សេអ៊ូល លោកស្រី Pelosi ប្តេជ្ញាលុបបំបាត់នុយក្លេអ៊ែររបស់ទីក្រុងព្យុងយ៉ាង និងគ្រោងទៅព្រំដែនកូរ៉េ
នៅថ្ងៃព្រហស្បតិ៍នេះ ប្រធានសភាតំណាងរាស្រ្តអាមេរិក លោកស្រី Nancy Pelosi និងសមភាគីកូរ៉េខាងត្បូង បានប្តេជ្ញាគាំទ្រដល់កិច្ចខិតខំប្រឹងប្រែង ដើម្បីទប់ស្កាត់ប្រឆាំងនឹងប្រទេសកូរ៉េខាងជើង ហើយសម្រេចឲ្យបាននូវការលុបបំបាត់នុយក្លេអ៊ែររបស់ទីក្រុងព្យុងយ៉ាង។
សេចក្តីថ្លែងការណ៍រួមមួយ ត្រូវបានចេញបន្ទាប់ពីលោកស្រី Pelosi ជួបជាមួយប្រធានរដ្ឋសភាកូរ៉េខាងត្បូងលោក Kim Jin-pyo នៅទីក្រុងសេអ៊ូល ដែលក្នុងនោះ អ្នកទាំង២ បានសម្តែងក្តីព្រួយបារម្ភចំពោះយ៉ាងខ្លាំងចំពោះការវិវត្តន៍ នៃការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង។
សេចក្តីថ្លែងការណ៍បាននិយាយថា “ភាគីទាំងពីរ បានសម្តែងក្តីព្រួយបារម្ភអំពីស្ថានភាពធ្ងន់ធ្ងរនៃការគំរាមកំហែងដែលកំពុងកើនឡើងរបស់កូរ៉េខាងជើង។ យើងយល់ព្រមគាំទ្រដល់កិច្ចខិតខំប្រឹងប្រែងរបស់រដ្ឋាភិបាលទាំងពីរ ដើម្បីសម្រេចបាននូវការលុបបំបាត់អាវុធនុយក្លេអ៊ែរ និងដើម្បីសន្តិភាពជាក់ស្តែង តាមរយៈកិច្ចសហប្រតិបត្តិការអន្តរជាតិ និងកិច្ចសន្ទនាការទូត ដោយផ្អែកលើការរារាំងដ៏ខ្លាំងក្លា និងយូរអង្វែងប្រឆាំងកូរ៉េខាងជើង”។
លោកស្រី Pelosi ក៏បាននិយាយនៅក្នុងសន្និសីទសារព័ត៌មានផងដែរថា លោកស្រី និងលោក Kim បានពិភាក្សាគ្នាអំពីវិធីជំរុញកិច្ចសហប្រតិបត្តិការលើបញ្ហាសន្តិសុខក្នុងតំបន់ និងបញ្ហាសេដ្ឋកិច្ច និងអាកាសធាតុ។
គួរបញ្ជាក់ថា លោកស្រី Pelosi បានទៅដល់ប្រទេសកូរ៉េខាងត្បូងកាលពីយប់ថ្ងៃពុធ បន្ទាប់ពីឈប់សំចតរយៈពេលខ្លីនៅកោះតៃវ៉ាន់ ហើយបានជួបជាមួយមន្ត្រីស្ថានទូតអាមេរិកក្នុងទីក្រុងសេអ៊ូលនៅថ្ងៃព្រហស្បតិ៍ មុនពេលជួបពិភាក្សាជាមួយលោក Kim និងសមាជិកសភាផ្សេងទៀត។
នៅថ្ងៃព្រហស្បតិ៍ដដែលនេះ លោកស្រី Pelosi គ្រោងនឹងទៅតំបន់សន្តិសុខរួមនៅជិតព្រំដែនអន្តរកូរ៉េ ដែលមានការយាមល្បាតរួមគ្នាដោយបញ្ជាការអង្គការសហប្រជាជាតិដឹកនាំដោយអាមេរិក និងកូរ៉េខាងជើង។
លោកស្រីនឹងក្លាយជាមន្ត្រីជាន់ខ្ពស់របស់សហរដ្ឋអាមេរិកដែលធ្វើដំណើរទៅតំបន់នេះ បន្ទាប់ពីអតីតប្រធានាធិបតី Donald Trump ដែលបានជួបមេដឹកនាំកូរ៉េខាងជើងលោក គីម ជុងអ៊ុន នៅទីនោះក្នុងឆ្នាំ ២០១៩។
ប្រធានាធិបតីកូរ៉េខាងត្បូង លោក Yoon Suk-yeol ដែលនឹងឈប់សម្រាកវិស្សមកាលក្នុងសប្តាហ៍នេះ នឹងមិនជួបលោកស្រី Pelosi ទេប៉ុន្តែនឹងនិយាយគ្នាតាមទូរស័ព្ទ។
ប្រព័ន្ធផ្សព្វផ្សាយកូរ៉េខាងត្បូងប៉ាន់ស្មានថា លោក Yoon អាចនឹងមិនព្រមជួបជាមួយលោកស្រី Pelosi ដើម្បីចៀសវាងការបង្កជម្លោះជាមួយចិន បន្ទាប់ពីដំណើរទស្សនកិច្ចរបស់លោកស្រីទៅកាន់កោះតៃវ៉ាន់ បានបង្កឲ្យមានកំហឹងនៅទីក្រុងប៉េកាំង៕
ប្រែសម្រួល៖ Vann Vann
ប្រភព៖ Reuters
ចុចអាន៖ លោកស្រី Pelosi ចាកចេញពីកោះតៃវ៉ាន់ហើយ ឆ្ពោះដំណើរទៅ ២ប្រទេសទៀត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង