Connect with us

ព័ត៌មានអន្ដរជាតិ

លោក ត្រាំ មិនឆ្លើយសំណួរ នៅក្នុងការស៊ើបអង្កេត ចូលទៅក្នុងក្រុមហ៊ុនរបស់គាត់ (មានវីដេអូ)

បានផុស

នៅ

អតីតប្រធានាធិបតីអាមេរិក លោក ដូណាល់ ត្រាំ និយាយថា លោកបានបដិសេធឆ្លើយសំណួរ ក្នុងអំឡុងពេលបង្ហាញខ្លួននៅចំពោះមុខអគ្គរដ្ឋអាជ្ញានៃរដ្ឋញូវយ៉ក ក្នុងការស៊ើបអង្កេតលើជំនួញរបស់គាត់។

អតីតប្រធានាធិបតីអាមេរិក លោក ដូណាល់ ត្រាំ

លោក ត្រាំ បានបង្ហាញខ្លួននៅការិយាល័យរបស់អគ្គមេធាវីរដ្ឋ Letitia James នៅព្រឹកថ្ងៃពុធ ដើម្បីផ្តល់សក្ខីកម្មនៅក្នុងការស៊ើបអង្កេតស៊ីវិលដ៏យូរអង្វែង អំពីហិរញ្ញវត្ថុរបស់អង្គការ ត្រាំ។

លោក ត្រាំ បាននិយាយនៅក្នុងសេចក្តីថ្លែងការណ៍មួយថា “ខ្ញុំបានបដិសេធឆ្លើយសំណួរក្រោមសិទ្ធិ និងអភ័យឯកសិទ្ធិដែលមានសម្រាប់ពលរដ្ឋគ្រប់រូប នៅក្រោមរដ្ឋធម្មនុញ្ញរបស់សហរដ្ឋអាមេរិក”។

យោងតាមវិសោធនកម្មទីប្រាំនៃរដ្ឋធម្មនុញ្ញសហរដ្ឋអាមេរិក, ប្រជាជនមានសិទ្ធិនៅស្ងៀម នៅពេលត្រូវបានសាកសួរដោយអាជ្ញាធរ ដើម្បីការពារប្រឆាំងនឹងការចោទប្រកាន់ខ្លួនឯង។

អតីតប្រធានាធិបតីអាមេរិក លោក ដូណាល់ ត្រាំ

សេចក្តីប្រកាសរបស់លោក ត្រាំ នៅទីក្រុងញូវយ៉ក បានកើតឡើងមិនដល់ ២ថ្ងៃផង បន្ទាប់ពីភ្នាក់ងារ FBI ចូលឆែកឆេរផ្ទះរបស់គាត់ក្នុងរដ្ឋផ្លរីដា ដែលជាផ្នែកមួយនៃការស៊ើបអង្កេតដាច់ដោយឡែក ចូលទៅក្នុងករណីកាន់កាប់ឯកសារសម្ងាត់ ដោយអតីតប្រធានាធិបតីរូបនេះ។

អគ្គមេធាវីញូវយ៉ក បានចាប់ផ្តើមការស៊ើបអង្កេតរដ្ឋប្បវេណីនៅឆ្នាំ ២០១៩ បន្ទាប់ពីអតីតមេធាវីផ្ទាល់របស់លោក ត្រាំ គឺលោក Michael Cohen បានផ្តល់សក្ខីកម្មនៅក្នុងសភាថា អតីតប្រធានាធិបតីរូបនេះបាននិយាយបំផ្លើសអំពីទ្រព្យសម្បត្តិរបស់គាត់ ដើម្បីបំពេញបំណងរបស់គាត់ ក្នុងការធ្វើអ្វីមួយ។

លោក Michael Cohen អតីតមេធាវីផ្ទាល់របស់លោក ត្រាំ

លោក ត្រាំ ដែលធ្លាប់លើកឡើងថា លោកនឹងឈរឈ្មោះបោះឆ្នោតប្រធានាធិបតីម្តងទៀតនៅឆ្នាំ២០២៤, បានច្រានចោលការស៊ើបអង្កេតនៅទីក្រុងញូវយ៉ក ការស៊ើបអង្កេតដែលជំរុញដោយសហព័ន្ធ និងគណៈកម្មាធិការសភាដែលស៊ើបអំពីកុបកម្មថ្ងៃទី៦ខែមករា ឆ្នាំ ២០២១ នៅវិមានកាពីតូល។ លោក ត្រាំ អះអាងថា ការស៊ើបអង្កេតទាំងនោះគឺជារឿងនយោបាយសុទ្ធសាធ។

ហើយកាលពីថ្ងៃពុធ គាត់បានរំលឹកឡើងវិញថា គាត់មិនបានធ្វើអ្វីខុសទេ ហើយសង្កត់ធ្ងន់ថា អាជ្ញាធរសហព័ន្ធ រដ្ឋអាជ្ញារដ្ឋ និងអ្វីដែលគាត់ហៅថាប្រព័ន្ធផ្សព្វផ្សាយព័ត៌មានក្លែងក្លាយ គឺកំពុងតែកំណត់គោលដៅលើគាត់ជាមួយនឹងការចោទប្រកាន់ដែលគ្មានមូលដ្ឋានទាល់តែសោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ គណបក្សសាធារណរដ្ឋ ថ្កោលទោស និងប្តេជ្ញាស៊ើបអង្កេតការវាយឆ្មក់របស់ FBI ចូលលំនៅដ្ឋានលោក Trump

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ៩ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ២១ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៣៦ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥០ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម