ព័ត៌មានអន្ដរជាតិ
គណបក្សសាធារណរដ្ឋ ថ្កោលទោស និងប្តេជ្ញាស៊ើបអង្កេតការវាយឆ្មក់របស់ FBI ចូលលំនៅដ្ឋានលោក Trump (មានវីដេអូ)
មេដឹកនាំសំឡេងភាគតិចនៃរដ្ឋសភាអាមេរិកលោក Kevin McCarthy និងតំណាងរាស្រ្តមកពីគណបក្សសាធារណរដ្ឋផ្សេងទៀត បានថ្កោលទោសរដ្ឋបាលរបស់លោកប្រធានាធិបតី Joe Biden ចំពោះការវាយឆ្មក់ចូលលំនៅដ្ឋានរបស់លោក Donald Trump ក្នុងរដ្ឋ Florida ដោយព្រមានថា ពួកគេនឹងបើកការស៊ើបអង្កេតនយោបាយ ពាក់ព័ន្ធក្រសួងយុត្តិធម៌ នៅពេលពួកគេឡើងគ្រប់គ្រងសភាវិញ។
លោក McCarthy បាននិយាយកាលពីយប់ថ្ងៃចន្ទទី០៨ខែសីហា ប៉ុន្មានម៉ោងបន្ទាប់ពីភ្នាក់ងារ FBI បានអនុវត្តដីកាឆែកឆេរនៅឯលំនៅដ្ឋាន Mar-a-Lago របស់លោក Trump ថា “ក្រសួងយុត្តិធម៌បានធ្វើទង្វើ ឈានដល់ស្ថានភាពដែលមិនអាចអត់ឱនឲ្យបាន ពាក់ព័ន្ធការយកនយោបាយធ្វើជាអាវុធ។ នៅពេលណាដែលគណបក្សសាធារណរដ្ឋ ដណ្តើមយករដ្ឋសភាមកវិញ យើងនឹងធ្វើការត្រួតពិនិត្យភ្លាមៗលើនាយកដ្ឋាននេះ ហើយមិនទុករឿងនេះចោលឡើយ។ អគ្គមេធាវី Merrick Garland សូមរក្សាឯកសាររបស់អ្នក និងបែងចែកកាលបរិច្ឆេទរបស់អ្នក ដើម្បីដោះស្រាយរឿងដែលសំខាន់ឲ្យហើយទៅ”។
លោក Trump បាននិយាយកាលពីថ្ងៃចន្ទថា ភ្នាក់ងារ FBI មួយក្រុមធំ បានឆ្មក់ចូលផ្ទះរបស់អតីតប្រធានាធិបតី ហើយបានសម្រុកចូលទៅក្នុងកន្លែងសុវត្ថិភាពរបស់គាត់។ ការឆែកឆេរនោះ ត្រូវបានគេរាយការណ៍ថា ទាក់ទងនឹងការស៊ើបអង្កេតលើការកាន់កាប់ឯកសារសម្ងាត់របស់លោក Trump។
លោក Trump លើកឡើងថា ការវាយប្រហារបែបនេះ អាចកើតឡើងតែនៅប្រទេសដែលបែកបាក់ក្នុងពិភពលោកទីបីប៉ុណ្ណោះ។ គួរឲ្យស្តាយ ពេលនេះអាមេរិកបានក្លាយជាប្រទេសមួយក្នុងចំណោមប្រទេសទាំងនោះ ដែលមានអំពើពុករលួយក្នុងកម្រិត មិនធ្លាប់មានពីមុនមក”។
គណបក្សសាធារណរដ្ឋនៅក្នុងសភា បានខឹងសម្បាយ៉ាងខ្លាំងចំពោះការវាយឆ្មក់នេះ ហើយទាមទារការពន្យល់ពីលោក Garland និងនាយក FBI លោក Chris Wray។
តំណាងរាស្រ្តគណបក្សសាធារណរដ្ឋ Jim Jordan បានចោទសួរថា “ហេតុអ្វីបានជាលោក Chris Wray និង Merrick Garland មិនមកតទល់ជាមួយយើងនៅថ្ងៃសុក្រនេះ ហើយឆ្លើយសំណួររបស់យើង?។ ប្រសិនបើរឿងនេះមានសារសំខាន់ពាក់ព័ន្ធលោក Trump មែននោះ សូមមកឆ្លើយសំណួររបស់យើងនៅក្នុងគណៈកម្មាធិការតុលាការ សភាទៅ”។
លោក Trump បានបង្ហើបម្តងហើយម្តងទៀតថា គាត់នឹងឈរឈ្មោះប្រជែងតំណែងប្រធានាធិបតីនៅឆ្នាំ ២០២៤ តទល់នឹងគូប្រជែងលោក Joe Biden។ តំណាងរាស្រ្ត Matt Gaetz បានលើកឡើងថា គណៈកម្មាធិការថ្ងៃទី៦ខែមករា ដែលស៊ើបអង្កេតកុបកម្មនៅសភាអាមេរិក ត្រូវបានកោះប្រជុំដើម្បីរារាំងលោក Trump ពីការឈរឈ្មោះបោះឆ្នោតជាថ្មី ខណៈតំណាងរាស្រ្ត Scott Perry បានហៅសវនាការផ្សាយតាមទូរទស្សន៍របស់គណៈកម្មាធិការនេះថាជា “ការកាត់ក្តីតាមបែបសូវៀត”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ FBI វាយឆ្មក់ ចូលឆែកឆេរលំនៅដ្ឋានរបស់លោក ដូណាល់ ត្រាំ នៅ Florida
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ