ព័ត៌មានអន្ដរជាតិ
បក្សប្រឆាំង តៃវ៉ាន់ បញ្ជូនគណៈប្រតិភូទៅ ចិន ដីគោក ក្រោយដំណើររបស់លោកស្រី Pelosi
លោក Andrew Hsia អនុប្រធានគណបក្សជាតិនិយមចិន ឬ Kuomintang (KMT) បានដឹកនាំគណៈប្រតិភូឆ្លងកាត់ច្រកសមុទ្រតៃវ៉ាន់ ដើម្បីទៅទីក្រុងឆ្នេរសមុទ្រដីគោកជាច្រើន ជាពិសេសតំបន់ Taishang ជាកន្លែងដែលពាណិជ្ជករតៃវ៉ាន់កំពុងប្រមូលផ្ដុំធ្វើការនៅលើដីគោក រួមទាំងនៅទីក្រុង Xiamen ទន្លេ Yangtze និងទន្លេ Pearl ផងដែរ ។
លោក Hsia បាននិយាយនៅអាកាសយានដ្ឋានអន្តរជាតិ Taoyuan របស់តៃវ៉ាន់ មុនចេញដំណើរទៅកាន់ប្រទេសចិនថា “នៅពេលដ៏សំខាន់នេះ យើងត្រូវបង្ហាញពីការព្រួយបារម្ភរបស់យើងចំពោះជនរួមជាតិរបស់យើងនៅចិនដីគោក ហើយក៏ដើម្បីឲ្យមានតម្រូវការបន្ថែមទៀតសម្រាប់ភាគីទាំងពីរភ្ជាប់បណ្តាញទំនាក់ទំនងគ្នាច្រើនជាងមុនផងដែរ” ។
ស្របពេលជាមួយគ្នានេះ គណៈប្រតិភូបក្ស KMT មិនត្រូវបានគេរំពឹងថានឹងធ្វើដំណើរទៅទីក្រុងប៉េកាំង ឬជួបជាមួយមន្ត្រីចិនធំៗណាមួយក្នុងដំណើរនេះនោះទេ បន្ទាប់ពីបានបញ្ឆេះកំហឹងពាក់ព័ន្ធនឹងដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi មកកាន់កោះតៃវ៉ាន់កាលពីពេលថ្មីៗនេះ ។
ទន្ទឹមនោះគណនី Twitter ផ្លូវការរបស់គណបក្សបាននិយាយកាលពីថ្ងៃអង្គារថា “បក្ស Kuomintang (KMT) តែងតែការពារសុវត្ថិភាព និងសុខុមាលភាពរបស់ប្រជាជនតៃវ៉ាន់ និងជំរុញការអភិវឌ្ឍន៍ដោយសន្តិភាព ស្ថិរភាពនៃទំនាក់ទំនងឆ្លងច្រកសមុទ្រ ក៏ដូចជាស្ថិរភាពក្នុងតំបន់ដោយប្រើឈ្មោះមន្ត្រីរដ្ឋាភិបាលទីក្រុងតៃប៉ិ និងសាធារណរដ្ឋចិន ។
បក្ស KMT បានបន្ថែមថា “នោះជាហេតុផលដែលយើងបញ្ជូនគណៈប្រតិភូស្វែងរកការពិតកាលពីថ្ងៃទី ១០ ខែសីហា ទៅទស្សនាសហគមន៍តៃវ៉ាន់ដែលកំពុងសិក្សា និងរស់នៅក្នុងប្រទេសចិនដីគោកភាគខាងត្បូង ហើយដំណើរទស្សនកិច្ចនយោបាយនេះមានគោលបំណងដើម្បីសិក្សាទស្សនៈ និងការផ្តល់ជំនួយឲ្យពួកគេតែប៉ុណ្ណោះ” ។
ចំណែកយោងតាមទីភ្នាក់ងារព័ត៌មានកណ្តាលរបស់តៃវ៉ាន់ (CNA) បានឲ្យដឹងថា ប្រធានាធិបតីលោកស្រី Tsai Ing-wen ដែលជាប្រធានគណបក្សវឌ្ឍនភាពប្រជាធិបតេយ្យតៃវ៉ាន់ (DPP) ក៏បាននិយាយនៅក្នុងកិច្ចប្រជុំរបស់បក្សដែរថា ដំណើរទស្សនកិច្ចរបស់ប្រតិភូ KMT ធ្វើឲ្យប្រជាជនតៃវ៉ាន់ខកចិត្ត ហើយអាចផ្ញើសារខុសទៅកាន់ពិភពខាងក្រៅអំពីភាពធ្ងន់ធ្ងរនៃការគំរាមកំហែងលើកោះដែលបង្កឡើងដោយក្រុងប៉េកាំង ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោកស្រី Pelosi ការពារដំណើរទស្សនកិច្ចទៅ តៃវ៉ាន់ ក្រោយសរសើរ ចិន ពេញៗមាត់
-
ព័ត៌មានអន្ដរជាតិ៧ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៧ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៤ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៣ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?