ព័ត៌មានអន្ដរជាតិ
ចុងឆ្នាំនេះ កងទ័ពរុស្ស៊ី ទទួលបានអាវុធទំនើប បន្ថែមទៀតហើយ!
ក្រុមហ៊ុន Kalashnikov Group បានប្រកាសកាលពីថ្ងៃអាទិត្យទី១៤ខែសីហាថា កងទ័ពរុស្ស៊ី នឹងទទួលបានអាវុធទំនើបៗបន្ថែមទៀត រួមទាំងកាំភ្លើងយន្តធុនតូច PPK-20 និងកាំភ្លើងបាញ់ត្រង់ SVCh ផងដែរ ត្រឹមចុងឆ្នាំនេះ។
និយាយអំពីកាំភ្លើង PPK-20, លោក Alan Lushnikov ប្រធានក្រុមហ៊ុនផលិតអាវុធដ៏ល្បីឈ្មោះ បានប្រាប់អ្នកសារព័ត៌មានថា “យើងជឿថា វាជាកាំភ្លើងយន្តធុនតូច ល្អបំផុតនៅលើពិភពលោក ក្នុងរយៈពេល២០ឆ្នាំខាងមុខ”។
ទិន្នន័យដែលផ្តល់ដោយក្រុមហ៊ុនបានបង្ហាញថា វាអាចបាញ់បាន ៨០០ គ្រាប់ក្នុងមួយនាទី។ គ្រាប់កាំភ្លើងដែលបាញ់ចេញមានល្បឿនជិត ៤៧០ ម៉ែត្រក្នុងមួយវិនាទី ហើយមានសមត្ថភាពបាញ់ធ្លុះអាវក្រោះកម្រិត IIIA”។
កាំភ្លើងយន្តធុនតូចនេះ មានទម្ងន់មិនដល់៣គីឡូក្រាមទេ ហើយមានឧបករណ៍បន្ថយសំឡេង និងតួដែកដំឡើងតាមស្តង់ដារ ស្រដៀងទៅនឹងតួដែក Picatinny ដែលប្រើក្នុងអាវុធលោកខាងលិចដែរ។ PPK-20 ត្រូវបានបង្ហាញជាលើកដំបូងដោយក្រុមហ៊ុន Kalashnikov នៅឯពិព័រណ៍ ARMY 2021 កាលពីឆ្នាំមុន។
ដោយឡែក SVCh ឬ Chukavin Sniper Rifle គឺជាកាំភ្លើងបាញ់ត្រង់ជំនាន់ថ្មី ដែលត្រូវបានរចនាឡើងដើម្បីជំនួសកាំភ្លើង Dragunov Sniper Rifles (SVD) ផលិតដោយសូវៀត។
វាមានទម្ងន់ស្រាលជាងជំនាន់មុន, បាញ់ចំគោលដៅកាន់តែច្បាស់ និងមានសមត្ថភាពវាយប្រហារគោលដៅនៅចម្ងាយប្រហែល ១២០០ ម៉ែត្រ។ ទំហំដ៏តូចនៃកាំភ្លើងពាក់កណ្តាលស្វ័យប្រវត្តិនេះ ក៏ធ្វើឲ្យវាមានប្រសិទ្ធភាពនៅរយៈចម្ងាយមធ្យមផងដែរ។ វាត្រូវបានបង្ហាញជាលើកដំបូងក្នុងឆ្នាំ២០១៧ ហើយបានឆ្លងកាត់ការសាកល្បងដោយជោគជ័យកាលពីឆ្នាំមុន៕
ប្រែសម្រួល៖ Vann Vann
ប្រភព៖ RT
ចុចអាន៖ ប្រទេសជិតខាងរុស្ស៊ី អង្វរ សហរដ្ឋអាមេរិក ឲ្យជួយផ្នែកយោធា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង