Connect with us

ព័ត៌មានអន្ដរជាតិ

ប្រទេសជិតខាងរុស្ស៊ី អង្វរ សហរដ្ឋអាមេរិក ឲ្យជួយផ្នែកយោធា (មានវីដេអូ)

បានផុស

នៅ

បណ្តារដ្ឋបាល់ទិក និងប្រទេសប៉ូឡូញ កំពុងអង្វរដល់សហរដ្ឋអាមេរិក ឲ្យពន្លឿនការចែកចាយសព្វាវុធ និងពង្រីកវត្តមានកងទ័ពអាមេរិក នៅក្នុងប្រទេសរបស់ពួកគេ។ នេះបើយោងតាមការចុះផ្សាយរបស់កាសែត Washington Post កាលពីចុងសប្តាហ៍។

ប្រធានាធិបតីអាមេរិកលោក ចូ​ បៃដិន
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពដដែល, ប្រតិបត្តិការយោធារុស្ស៊ីនៅអ៊ុយក្រែន បានធ្វើឲ្យប្រទេសប៉ូឡូញ អេស្តូនី ឡាតវី និងលីទុយអានី ភ័យខ្លាចថា ពួកគេនឹងជិតត្រូវគេវាយប្រហារហើយ។

លោក Kusti Salm អគ្គលេខាធិការនៃក្រសួងការពារជាតិអេស្តូនី បាននិយាយថា “ប្រព័ន្ធបាញ់រ៉ុកកែត HIMARS, យន្តហោះគ្មានមនុស្សបើក​ Reapers និងរ៉ាដាស្ទាក់ចាប់មីស៊ីល៖ ទាំងនេះគឺជាអ្វីដែលយើងត្រូវការជាទីបំផុត ទាក់ទងនឹងថាមពលដ៍ខ្លាំងក្លាខាងយោធា ដើម្បីទល់ទល់នឹងរុស្ស៊ី”។

លោក Kusti Salm អគ្គលេខាធិការនៃក្រសួងការពារជាតិអេស្តូនី

ចំណែក រដ្ឋមន្ត្រីការពារជាតិឡាតវី លោក Artis Pabriks ថ្មីៗនេះ បានប្រាប់អ្នកកាសែត Washington Post ថា រដ្ឋាភិបាលទីក្រុង រីហ្គា ត្រូវការជំនួយផ្នែកហិរញ្ញវត្ថុបន្ថែម ដើម្បីទិញសព្វាវុធថ្មី និងដើម្បីពង្រឹងការការពារដែនអាកាស និងឆ្នេរសមុទ្ររបស់ខ្លួន។

ទន្ទឹមនោះ មន្ត្រីប៉ូឡូញក៏បានជំរុញឲ្យសហរដ្ឋអាមេរិក ពន្លឿនការដឹកជញ្ជូនអាវុធដែលបានសន្យាទៅឲ្យទីក្រុង វ៉ាសូវី ផងដែរ។ ប៉ូឡូញ ក៏កំពុងរង់ចាំប្រព័ន្ធបាញ់មីស៊ីល Patriot, HIMARS, យន្តហោះចម្បាំង F-16 និងរថក្រោះ Abrams ផងដែរ ដែលអាវុធទាំងអស់នេះ ត្រូវអាមេរិកកំណត់ផ្តល់ឲ្យខ្លួនមុនពេលការវាយលុករបស់រុស្ស៊ីនៅអ៊ុយក្រែន ចាប់ផ្តើមទៅទៀត។

រដ្ឋមន្ត្រីការពារជាតិឡាតវី លោក Artis Pabriks

ស្ថានទូតប៉ូឡូញប្រចាំនៅសហរដ្ឋអាមេរិក បានលាតត្រដាងកាលពីថ្ងៃទី៤ខែសីហាថា “កិច្ចខិតខំប្រឹងប្រែងដើម្បីពង្រឹងសមត្ថភាពការពាររបស់ប្រទេសដែលជួយអ៊ុយក្រែនក្នុងសង្គ្រាមកំពុងបន្ត គឺជាប្រធានបទដ៏សំខាន់នៃកិច្ចប្រជុំរវាងប្រធានការិយាល័យសន្តិសុខជាតិប៉ូឡូញ Pawel Soloch និង ទីប្រឹក្សាសន្តិសុខជាតិរបស់ប្រធានាធិបតីសហរដ្ឋអាមេរិក Joe Biden គឺលោក Jake Sullivan”។

សហរដ្ឋអាមេរិកបាននិយាយថា ខ្លួនប្តេជ្ញាចិត្តចំពោះកិច្ចសហប្រតិបត្តិការលើវិស័យការពារជាតិរបស់ខ្លួនជាមួយសម្ព័ន្ធមិត្ត NATO នៅអឺរ៉ុបខាងកើត។ កញ្ចប់ចំណាយរបស់សហព័ន្ធឆ្នាំ ២០២២ រួមមានការអនុញ្ញាតជាលើកដំបូងដែលមិនធ្លាប់មានចំនួន ១៨០លានដុល្លារសម្រាប់គំនិតផ្តួចផ្តើមសន្តិសុខតំបន់បាល់ទិក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី-កូរ៉េខាងជើង ចាប់ដៃគ្នាពង្រីកទំនាក់ទំនងទ្វេភាគី ទប់ទល់ការគំរាមកំហែងរបស់ អាមេរិក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៥ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤១ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ៣ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

Sokha Hotels

ព័ត៌មានពេញនិយម